20:16
"Qəbələ"nin Avropa Liqasının III təsnifat mərhələsindəki rəqibi "Apollon" 1954-cü ildə yaradılıb.
Qol.Az-ın məlumatına görə, komanda Limasol şəhərini təmsil edir.
“Apollon” ev oyunlarını 13331 tamaşaçı tutumuna malik “Sirion stadium”da keçirir. Ev oyunlarında tüng göy rəngli formalardan istifadə edən "Qəbələ"nin rəqibi səfər görüşlərinə ağ-mavi rəngli formalarla çıxır.
Limasol təmsilçisinin heyətində yerli futbolçularla yanaşı əcnəbi oyunçulara da rast gəlmək mümkündür. "Apollon"da Braziliya, Argentina, Portuqaliya, Serbiya, Fil Dişi Sahili, İspaniya, Albaniya, Yunanıstan və Şotlandiyadan futbolçular çıxış edir.
"Apollon"u Pedro Emanuel çalışdırır. Tarixi ərzində 3 dəfə (1990/1991, 1993/1994, 2005/2006) Kipr çempionu olan 4 dəfə çempionatın gümüş medallarına yiyələnib. Limasol təmsilçisi 7 dəfə (1965–66, 1966–67, 1985–86, 1991–92, 2000–01, 2009–10, 2012–13) ölkə kubokunu başı üzərinə qaldırıb. Komanda elə eyni sayda kubokunda finalında uduzaraq ikinciliklə kifayətlənib.
"Apollon" avrokuboklarda uğurlu çıxışı ilə də diqqət çəkir. Avrokuboklarda 1966/1967 mövsümündə debüt edən komanda ilk dəfə 1990/1991 mövsümündə mərhələ adlamağı bacarıb. Həmin vaxt Kipr klubu Rumıniya təmsilçisi "Universitatea"nı iki oyunun nəticəsinə (3:0, 0:2) görə üstələyib. "Apollon"un əsas uğurları son illərə təsadüf edib. Ardıcıl iki dəfə (2013/2014, 2014/2015) Avropa Liqasının qrup mərhələsində oynayan Kipr təmsilçisi qrup səddini aşa bilməyib.
Ötən mövsümü 3-cü pillədə başa vuran komanda 2015/2016 mövsümündə Avropa Liqasında inamla irəliləyir. Birinci təsnifat mərhələsində Moldovanın "Saxan" (2:0, 2:0), ikinci təsnifat mərhələsində isə Litvanın "Trakai" (4:0, 0:0) klubunu mübarizədən kənarlaşdıran "Apollon" növbəti mərhələdə "Qəbələ"yə rəqib olub. Bu komandalar arasında ilk oyun iyulun 30-da keçiriləcək.
"Turan Tovuz"da ayrılıq
İlin ən güclü klubu bəlli oldu
Ronaldo Yaxın Şərqin ən yaxşı futbolçusu oldu
Dünyanın ən yaxşı hücumçusu bilindi
İngiltərə klubu baş məşqçisi ilə yollarını ayıra bilər
PSJ-nin 2 futbolçusu ilin ən yaxşısı seçildi
İlin komandasında kimlərin adı var?
Hoylund dubl etdi, "Napoli" qalib gəldi
Millidən gələn təklifi rədd etdi
"O, topa zərbə vura bilmirdi"
Hakimi zədəsini sağaltdı, kubok oyununda meydanda olacaq
"Bavariya" 2 futbolçusunun müqaviləsini uzadır
“Qarabağ”ın qapıçısı Almaniyadan təklif alıb
Klubun 40 azarkeşi həbs olundu
Sinenkadan rekord, Şahrudindən uğurlu seriya
