19:13
"İtaliyaya hər zaman böyük həvəslə gəlirəm. Bura gözəl ölkədir. Yaxşı havası var və dənizdən həzz alırsan. Məni tanıyan bilir ki, İtaliya futbolunun dostuyam. Təəssüf ki, İtaliya yığması son dünya çempionatında uğursuz çıxış etdi. Ancaq futbolda belə hallar olur"
Qol.Az-ın məlumatına görə, bu sözləri Azərbaycan millisinin baş məşqçisi Berti Foqts "Avro-2016"nın seçmə mərhələsində qarşılaşacaqları İtaliya ilə oyundan öncə keçirdiyi mətbuat konfransında deyib.
Almaniyalı mütəxəssis İtaliya ilə matçın onlar üçün yaxşı təcrübə olacağını bildirib: "Futbolçularım bilirlər ki, İtaliya ilə görüşdə diqqətli və soyuqqanlı olmalıdırlar. Belə komandaya qarşı oynamaq bizim üçün yaxşı təcrübədir. Ümid edirəm ki, məşqdə etdiklərimizi meydanda da göstərə biləcəyik. Belə matçlardan öyrənmək lazımdır. İngilislərin bir məsəli var: oynaya oynaya öyrənmək lazımdır. Biz də belə etməliyik".
Vaqif Cavadov və Mahir Şükürovu yığmaya dəvət etməməsinə də münasibət bildirən B.Foqts bu haqda belə deyib: "Bu barədə sizə daha sonra ətraflı danışacam. Ancaq onu deyə bilərəm ki, hazırda hər iki futbolçunun hazırlıq səviyyəsi aşağıdır. Məlum olduğu kimi, "Avro-2020"nin 4 oyunu Bakıda keçiriləcək. İndidən həmin turniri düşünməli və gənclərə şans verməliyik".
67 yaşlı mütəxəssis İtaliya və Xorvatiya ilə oyunların çətin keçəcəyini vurğulayıb: "Frankfurtda hazırlıq keçdiyimiz üçün çox şadam. Bundan öncə mən “Qarabağ”ın Avropa Liqasında “İnter”lə oyununa baxmışdım. Onu deyim ki, “Qarabağ”ın oyunçularının heç də hamısı yüksək səviyyədə deyil. Səbəbini bilmirəm. İtaliya və Xorvatiyaya qarşı oyunlar çox çətin olacaq. Bununla belə, biz kişiyik. 18 yaşdan sonra kişi sayılırıq. Əgər 23 yaşındakı futbolçu meydana qorxa-qorxa çıxırsa, məncə, o başqa idman növünü seçməlidir. Mən 1,67 boyundayam. Amma hündürboy Matsoliyə qarşı oynamaq imkanım olub. Sizcə mən ondan qorxurdum?".
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Zaqatala"dan qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
Qapını 70 yaşlı qapıçıya həvalə edəcəklər
Türkiyə Kubokunda finalın vaxtı və yeri dəyişdi
"Neftçi" - "Qarabağ" oyununun hakimləri açıqlandı
“Qarabağ” portuqaliyalı futbolçu ilə maraqlanır
