"Qəbələ" Avroliqa oyunlarını Qəbələdə keçirə bilər

"Qəbələ" Avroliqa oyunlarını Qəbələdə keçirə bilər
ÖLKƏ FUTBOLU 11 İyun 2014 / 14:19 3180
-  A +

"Qəbələ" klubu Avroliqanın ev oyunlarını doğma meydanda keçirə bilər. Bu barədə Qol.Az saytına klubun meneceri Səməd Nəsibov məlumat verib.

Onun sözlərinə görə, artıq stadionda tamamlama işləri gedir.

"Demək olar ki, yeni stadionda bütün işlər tamamlanıb. Yeganə çatışmazlıq işıq dirəklərinin yoxluğu idi. Hazırda işıqlandırma sistemi quraşdırılır. Maksimum bir həftəyə qədər bu məsələ də həll olunacaq və stadion bütün standartlara uyğun olacaq" - deyə o qeyd edib.

Klub rəsmisi yaxın günlərdə UEFA nümayəndələrinin stadiona baxış keçirəcəyini və bundan sonra yekun qərar veriləcəyini deyib: "AFFA nümayəndələri iki dəfə stadionumuza baxış keçirib. Yaxın vaxtlarda UEFA nümayəndələri də stadiona baxacaqlar. Onların qərarından sonra komandamızın ev oyunlarını Qəbələdə keçirib-keçirməyəcəyi haqda qərar qəbul olunacaq".   

Daha çox


Son xəbərlər
21.03.26  10:55

"Milan"Leaunu itirdi

topaz banner