18:53
Topaz Premyer Liqasının XIV turunda AZAL-ı 1:0 hesabı ilə məğlub edən “Qəbələ” ölkə çempionatlarının güclülər dəstəsində 50-ci qələbəsini qazanıb.
Qol.Az-ın klubun rəsmi saytına istinadən verdiyi məlumata görə, 2006/07 mövsümündən yüksək liqada çıxış edən “qırmızı-qaralar” yubiley qələbəsinə 109-cu matçda nail olub.
Öz meydanında 25 heç-heçə və 34 məğlubiyyəti də olan qəbələlilər çempionatdakı ev matçlarında 130-cu qolu da vurub. Bu topun müəllifi Leonardo da Silva olub. Bu 109 matçda qonaqlar 94 dəfə fərqlənib.
“Qəbələ” çempionatda ilk ev qələbəsini 2006-cı il noyabrın 27-də qazanıb. Həmin vaxt “Gilan” adlanan komanda “Gənclərbirliyi”ni məğlub edib – 2:0. 2010-cu il oktyabrın 16-da qeydə alınan “Muğan” üzərində eyni hesablı qələbə isə 25-ci olub.
Ümumilikdə isə bütün yarışlarda üst-üstə 281 oyun keçirən “Qəbələ” 120-ci dəfə meydanı qalib kimi tərk edib. Bunların 83-ü Premyer Liqa, 22-si I dəstə, 15-i ölkə kubokuna təsadüf edib.
Bundan başqa, “qırmızı-qaralar”ın bir sıra uğurlu seriyaları diqqət çəkir. Ardıcıl 5 oyundur öz meydanındakı qarşılaşmaları qol vurmadan tərk etməyən Yuri Syominin yetirmələri son 2 görüşdə qonaqları “quru” hesabla məğlub edib. Komandanın polşalı qapıçısı David Pietrzkeviç isə son 2 matçda qol buraxmamaqla “Qəbələ”dəki 2-ci “quru” matçını keçirib.
Qələbə qolunun müəllifi Leonardo da Silva mövsümdə 5-ci dəfə fərqlənib. Bununla da o, komandanın 2013/14 mövsümündə ən məhsuldar futbolçusu olub. Braziliyalı legioner 4 qol vuran Daniyel Subotii arxada qoymağı bacarıb. Klubda ilk mövsümünü keçirən Leonardo “Qəbələ” karyerasında 5 və daha çox qol vuran 24-cü futbolçudur. Bütün qollarını Premyer Liqada vuran legioner çempionatda ən azı bu qədər qol sevinci yaşayan 16-cı oyunçudur.
Qeyd edək ki, AZAL-la qarşılaşma Luis Hilarionun Premyer Liqada 75-ci oyunu olub.
Flik çempionluğa inanır
"Real" hakimlik islahatlarından imtina etdi
"Hər oyun bizim üçün final kimidir" - Yuri Vernidub
Torres dubl etdi, "Barselona" qələbə qazandı
"Avrokubok üçün mübarizə davam edir" - Vadar Nuriyev
"İnter"ə keçə bilər
"Sabah" - "Zirə" matçında vurulan 4 qol - Video
"Neftçi"dən qələbə, "Qarabağ" və "Sabah" xal itirdi
Yamal yenə rəqiblərini geridə qoydu
"1 xal üçün çox sevinirik" - Rəşad Sadıqov
Premyer Liqada rekorda imza atdı
"Yuventus"u çətin sınaq gözləyir
"Şamaxı" - "Qarabağ" matçından - Video
"Bəlkə də ilk dəfədir çalışdığım klubdan rahat gedirəm"
"Neftçi" - "Araz-Naxçıvan": Heyətlər
Milliyə kimlər çağırıldı?
"Təkliflər futbolçulara təsir etdi" - Qurban Qurbanov
2 avtoqol, 1 qırmızı vərəqə, məhsuldar heç-heçə
"Arsenal"dan ardıcıl 3-cü məğlubiyyət
Zerbi: "Tottenhem" aşağı liqaya düşsə..."
Mahirin komandası qələbə qazandı
"Sabah" - "Zirə" : Heyətlər
Azərbaycan millisi Gürcüstana yenə uduzdu
"Qalatasaray"ın sabiq futbolçusu karyerasını başa vurdu
