"Rəvan" "Sumqayıt"la oyuna itkilərlə çıxacaq

"Rəvan" "Sumqayıt"la oyuna itkilərlə çıxacaq
XƏBƏR 8 Noyabr 2013 / 12:56 1180
-  A +

"Rəvan” Topaz Premyer Liqasının 13-ci turu çərçivəsində "Sumqayıt”ı qəbul edəcək.

Qol.Az-ın klubun rəsmi saytına istinadən verdiyi məlumata görə, komanda artıq bu oyuna hazırlığı başa vurub.

Bu mənada sonuncu məşq axşam saatlarında "Bayıl Arena”da baş tutub. Baş məşqçi Şahin Diniyevin rəhbərliyi altında keçirilən hazırlıqda futbolçular çox da yüklənməyib. Ənənəvi olaraq yüngül xarakterli olan çalışmalardan sonra futbolçular müxtəlif taktiki və texniki gedişlər üzərində çalışıb.
 
Çalışmalarda Elvin Həsənəliyev və Kristian Torres iştirak etməyib. Hər iki futbolçu zədəlidir və sabahkı görüşdə meydana çıxa bilməyəcək. Əvəzində Aqil Nəbiyev və Sohib Savankulov komanda ilə birgə məşqlərə qatılıb. Hər iki oyunçu baş məşqçinin sərəncamında olacaq.

Qeyd edək ki, "Rəvan” – "Sumqayıt” oyunu sabah saat 17:00-da, "Bayıl Arena” stadionunda keçiriləcək.


Son xəbərlər
topaz banner