18:45
“Simurq” klubunun kapitanı Rasim Ramaldanovun Qol.Az saytına müsahibəsi
- Topaz Premyer Liqanın 22-ci turunda çempionatın autsayderi “Kəpəz”lə qarşılaşdınız. Qalib gələ bilməməyinizin səbəbi nə oldu?
- “Kəpəz” turnir cədvəlinin sonuncu pilləsində olmasına baxmayaraq, dünən çox yaxşı təsir bağışladı. Heyətində gənc oyunçular özlərini göstərməyə çalışırdılar. Erkən qol buraxmağımız da bir qədər bizi ruhdan saldı, işimizi çətinləşdirdi. Hava küləkli olduğundan istədiyimiz oyunu göstərə bilmədik.
- Razısan ki, qış fasiləsindən əvvəl komandanız bundan yaxşı oyun nümayiş etdirirdi?
- Bəli. Çempionatın əvvəlində daha yaxşı başlamışdıq. Nədənsə, son vaxtlar oyunumuz alınmır.
- Fasilədən sonra artıq dördüncü oyundur ki, qələbə qazana bilmirsiniz.
- Doğrudur. İstər-istəməz oyumuz alınmalıydı. Bizə hazırda bir qələbə lazımdır ki, komanda özünə gəlsin.
- “Simurq”un turnir cədvəlində dördüncü yerdə olması sizi qane edir? Bu gün üçün dördüncü yer necə nəticədir?
- Çempionatın əvvəlində lideriydik. Bu mənada, indi yaxşı yerdə deyilik. O vaxt fikirləşmirdik ki, dördüncü yerə düşərik. Ancaq onu da nəzərə alanda ki, bizdən yuxarı pillələrdə “Qarabağ”, “Neftçi”, “İnter” kimi komandalar qərarlaşıb, nəticəni yaxşı hesab etmək olar. Dördüncü yer məni qane edir. Çalışacağıq ki, daha yuxarı pillələrdə qərarlaşaq.
- Bu il əsas hədəfiniz nədir?
- Çempionat başlayanda ilk hədəfimiz “altılığ”a düşmək idi. İndisə rəhbərlik ilk “üçlüy”ə düşməyi qarşımıza məqsəd qoyub. Çalışırıq ki, xallarımızı artırıb turnir cədvəlində ən azı üçüncü yerə qalxaq. Avrokuboklara vəsiqə qazanmaq istəyirik. Bunu üçün kubok oyunlarına da ciddi yanaşırıq.
- Yeri gəlmişkən, kubokun cavab oyununda “Neftçi”ylə qarşılaşacaqsınız. Öz meydanınızda 0:0 hesabı qeydə alınmışdı. Bu hesabla növbəti mərhələyə çıxmaq şansınızı necə görürsən?
- Ev oyununda qol buraxmamağımız bizə üstünlük verir. Ancaq “Neftçi” də elə rəqiblərdəndir ki, hesabı öz xeyirlərinə dəyişə bilər. Səfərdə bir qol vursaq, mərhələni keçmək çətin olmayacaq.
Ramiq AĞAMƏMMƏDOV
Ağstafadakı bərabərlik - Video
"Milan" ayrılığı açıqladı
"Real" Endriki icarəyə verdi
"Mançester Yunayted"in 7 hədəfi
İlin ən yaxşısı seçildi
Göygöldəki 7 qol - Video
"Milan" 18 yaşlı hücumçu transfer etdi
Stankoviçin təyinatı açıqlandı
2-ci liqada ilin son oyunları keçirildi
“Zəfər” Liqasında qalib müəyyənləşdi
"Qarabağ" seneqallı hücumçu üçün təklif göndərib
"Neftçi"də səbrlə gözləmək adəti yoxdur" - Qriqorçuk
"Zaqatala"ya texniki məğlubiyyət verildi
"Zirə"nin qış hazırlıq planı bilindi
Səbuhi Abdullazadə: "Xal qazanmaq üçün əzmkarlıq çatmadı"
