18:45
“Qəbələ” klubunun yarımmüdafiəçisi Amit Quluzadənin Qol.Az saytına müsahibəsi
- Azərbaycan kubokunun 1/4 finalında “Qarabağ”la keçirdiyiniz oyun haqda fikirlərin necədir?
- Matç hər iki komanda üçün çətin keçdi. Qələbə qazanmaq istəyirdik. Buna yaxınıydıq. Ancaq sonradan qapımızdan qol buraxdıq. Gələn oyun əlimizdən gələni edəcəyik ki, növbəti mərhələyə adlayan biz olaq.
- Buraxdığınız qolda müdafiəçilərin səhvi oldu, yoxsa “Qarabağ”ın hücumları kəsərli idi?
- Qol adi epizodda vuruldu. Hansısa xüsusi kombinasiya yox idi. Məncə, buraxılan qolu heç kimin üzərinə atmaq olmaz. Qolu bütün komandanın səhvindən buraxmışıq. Orda tək müdafiənin səhvi yox idi.
- Yəqin ki, 1:1 hesabı sizi qane etmədi.
- Əlbəttə. Qapımızdan qol buraxmamalıydıq. Bu qol rəqibə xeyli üstünlük verəcək. Ancaq cavab oyununda hər şeyi dəyişmək olar.
- Keçən mövsümdə də “Qarabağ” “Qəbələ”ni məhz 1/4 finalda kubokdan uzaqlaşdırmışdı. Bu dəfə şanslarınızı necə görürsən?
- Məncə, şanslar eynidir. Ancaq çalışacağıq ki, vəziyyəti öz xeyrimizə dəyişək.
- Baş məşqçiniz Ramiz Məmmədov əminliklə bildirib ki, növbəti mərhələyə məhz sizin komanda keçəcək.
- Biz öz gücümüzə inanırıq. Futbolçular məşqçiyə, məşqçi də futbolçulara inanır. Ramiz müəllim bu fikri deməklə bir daha bizə güvəndiyini göstərib.
- Premyer Liqanın 22-ci turunda səfərdə AZAL-la çətin oyununuz var. Bu haqda nə deyə bilərsən?
- AZAL-ın durumundan xəbərdarıq. Bilirik ki, ilk “altılığ”a düşmək üçün son şansları olacaq. Ona görə də bütün güclərini səfərbər edəcəklər. Bizə lazımdır ki, ilk “altılıq” oyunlarına ehtiyat xal toplayaq. Ancaq qələbəyə çalışacağıq.
-Komandanızın durumu nə yerdədir? İtki yoxdur?
- Demək olar ki, hər şey qaydasındadır. Tam şəkildə AZAL-la oyuna hazırlaşırıq.
Ramiq AĞAMƏMMƏDOV
Ağstafadakı bərabərlik - Video
"Milan" ayrılığı açıqladı
"Real" Endriki icarəyə verdi
"Mançester Yunayted"in 7 hədəfi
İlin ən yaxşısı seçildi
Göygöldəki 7 qol - Video
"Milan" 18 yaşlı hücumçu transfer etdi
Stankoviçin təyinatı açıqlandı
2-ci liqada ilin son oyunları keçirildi
“Zəfər” Liqasında qalib müəyyənləşdi
"Qarabağ" seneqallı hücumçu üçün təklif göndərib
"Neftçi"də səbrlə gözləmək adəti yoxdur" - Qriqorçuk
"Zaqatala"ya texniki məğlubiyyət verildi
"Zirə"nin qış hazırlıq planı bilindi
Səbuhi Abdullazadə: "Xal qazanmaq üçün əzmkarlıq çatmadı"
