18:45
AZAL klubunun baş məşqçisi Vaqif Sadıqovun Qol.Az saytına müsahibəsi
-Premyer Liqanın 20-ci turunda “Bakı”ya 0:2 hesabıyla məğlub oldunuz. Bu oyun haqda fikirlərinizi bilmək itərdim.
-Uduzsaq da, pis təsir bağışlamamışıq. Rəqib bizdən çox çəkinirdi. Oyunun gedişində bu hiss olunurdu. “Bakı” əsasən müdafiə olunub bizi əks hücumda yaxalamaq istəyirdi. İki dəfə də buna nail oldular. Çoxlu qol epizodları yaratdıq. Heyif ki, qol vura bilmədik. Məğlub olmaqla çox vacib xallar itirdik.
-Son oyunların hamısında komandanız yaxşı oynasa da, qalib gələ bilmir.
-Düzdür qalib gələ bilmirik. Amma biz çalışırıq ki, nəticəni yaxşı oyun nümayiş etdirərək qazanaq. Çünki komanda oyun qura bilsə, gözəl oyun nümayiş etdirsə, qələbə qaçılmazdır.
-Qış fasiləsindən əvvəlki oyunları da nəzərə alsaq, artıq beş oyundur ki, komandanız qələbə qazana bilmir.
-Siz həmin oyunlarda bizim rəqiblərimizə baxın. “Neftçi”, “Simurq”, “Bakı” kimi klublarla qarşılaşmışıq. Biz hər oyunda qələbə qazanmaq istəyirik və meydana qələbə əzmiylə çıxırıq. Qalib gələ bilməmişiksə, bundan sonrakı oyunlarda qələbə qazanarıq.
- Amma ilk “altılığ”a düşmək şansınız demək olar ki, qalmayıb.
- Fikrimcə, dör komandanın şansı bərabərdir. Qarşıdakı iki oyunda mütləq qalib gəlib altı xalı əldə etməliyik. Əks halda “altılığ”a düşə bilməyəcəyik.
-Növbəti oyununuz autsayder “Kəpəz”lədir. Yəqin bu oyunda qalibiyyətsizlik sindromun qırmağı düşünürsünüz?
-Biz “Kəpəz”ə yuxarıdan aşağı baxsaq, özümüzü çətin vəziyyətə salarıq. “Kəpəz” məğlub olsa da, pis oyun göstərmir. Onlar da bu oyunda maksimum güc sərf edib qələbə qazanmağa çalışacaqlar. Çünki “Kəpəz” də neçə oyundur ki, qələbəyə həsrətdir. Ancaq biz “Kəpəz” və “Qəbələ”ylə oyunda mütləq qalib gəlməliyik.
- Belə bir xəbər yayılıb ki, klub rəhbərliyi sizi əvəzləmək istəyir. Hətta klub prezidenti bu barədə danışmaq üçün sizi yanına dəvət edib.
- Mən başa düşmürəm, digər klubların baş məşqçisi rəhbərliklə görüşmür? Öz klubumun prezidenti ilə görüşə bilmərəm? Klub prezidenti ilə görüşəndə bu haqda kiməsə hesabat verməliyəm? Bəli, klub prezidentii ilə görüşmüşəm və gələn ilin planından danışmışıq. İstefa söhbəti yalandır. Digər baş məşqçilər kimi mən də planlı şəkildə klub prezidenti ilə görüşürəm. Bu xəbəri dövriyyəyə buraxanlar arzularını yazırlar. Bu gün AZAL-da heç nə baş verməyib. AZAL -ın düzgün yolda olduğu hər oyunda görsənir.
Ramiq AĞAMƏMMƏDOV
Ağstafadakı bərabərlik - Video
"Milan" ayrılığı açıqladı
"Real" Endriki icarəyə verdi
"Mançester Yunayted"in 7 hədəfi
İlin ən yaxşısı seçildi
Göygöldəki 7 qol - Video
"Milan" 18 yaşlı hücumçu transfer etdi
Stankoviçin təyinatı açıqlandı
2-ci liqada ilin son oyunları keçirildi
“Zəfər” Liqasında qalib müəyyənləşdi
"Qarabağ" seneqallı hücumçu üçün təklif göndərib
"Neftçi"də səbrlə gözləmək adəti yoxdur" - Qriqorçuk
"Zaqatala"ya texniki məğlubiyyət verildi
"Zirə"nin qış hazırlıq planı bilindi
Səbuhi Abdullazadə: "Xal qazanmaq üçün əzmkarlıq çatmadı"
Kapitan 100-ü yarıladı
Rafinya Alkantara 32 yaşında karyerasını başa vurdu
FİFA qadağanı ləğv etdi
Azərbaycan millisinin formaları satışda - Şəkillər
