16:56
Bakının “İnter” klubunun yarımmüdafiəçisi Asif Məmmədov Premyer Liqanın 19-cu turunda “Xəzər Lənkəran”a qalib gəldikləri oyundan sonra Qol.Az saytının suallarını cavablandırıb
- Premyer Liqanın 19-cu turunda “Xəzər Lənkəran”la qarşılaşdınız və 3:2 hesabıyla qalib gəldiniz. Bu oyunla bağlı təəssüratlarını bilmək istərdim.
- Lənkərana üç xal dalınca gəlmişdik ki, onu da qazandıq. Oyun çox ağır keçdi. Amma əsas nəticədir. Nəticə də bizim xeyrimizə oldu.
- “Xəzər Lənkəran”ın oyunu haqda nə deyə bilərsən? Rəqibiniz qapısından üç top buraxdı. Hücuma meyilli yarımmüdafiəçi kimi necə düşünürsən, bu, onların müdafiə xəttinin zəifliyi ilə bağlıdır?
- Rəqibimizin gücü hamıya məlumdur. Bilirsiniz ki, “Xəzər Lənkəran” evdə çətin məğlub olur. O ki qaldı onların müdafiəsinə, mənə elə gəlir ki, pis müdafiə olunmurdular. Sadəcə, bizim hücumların kəsəri güclü idi. Get-gedə hücumları artırıb qollarımızı vurduq. Biz bu oyuna qədər bir çox oyunda çoxlu qol epizodlarını qaçırmışcıq. Ona görə də bunun üzərində çox işləmişdik. Bu oyunda isə bəhrəsini gördük.
- Oyunun beşinci dəqiqəsində qol vuracağını gözləyirdin?
- Mən hücumameyilli oyunçuyam. Oyun başlayan andan qol vurmağa can atıram. Amma qolun belə gözəl və tez alınmasını gözləmirdim.
- Oyunun 82-ci dəqiqəsində qol vursanız da, sevinməyə macal tapmamış qapınızda qol gördünüz. Bunu arxayınlaşmağınızla bağlamaq olar?
- Ümumiyyətlə, ikinci qoldan sonra bizdə biraz arxayınçılıq oldu. İkinci qolu da bu səbəbdən buraxdıq. Bu da yaxşı hal deyil. Bir tərəfdən yaxşı oldu ki, başqa oyunlarda belə səhvlər buraxmayaq. Belə səhvlər belə vacib oyunlarda bizə baha başa gələ bilər.
- Çempionatın final mərhələsinədək qarşıda hələ üç oyununuz var. Rəqibləriniz “Qəbələ” , “Neftçi” və “Qarabağ”dır. Onlardan hansı ilə oynamaq sizə daha ağır gəlir?
- Məncə, ilk “altılıq”da olan komandalardan zəif yoxdur. Əsas da adını çəkdiyiniz bu üç komanda çempionluğa iddialı komandalardır. Məncə, bu oyunların üçü də bizim üçün ağır olacaq. Çalışmalıyıq ki, bu oyunlara elə hazırlaşaq ki, mümkün qədər yaxşı nəticə əldə edək.
- Bəs çempionluq yolunda özünüzə əsas rəqib hansı komandanı görürsən?
- “Altılıq”da oynayacaq komandaların hamısını özümüzə ciddi rəqib görürəm. Çünki həmin komandalar çempionluq üçün yarışacaq. Builki çempionata proqoz vermək çətindir. Komandaların gücünü bilmək olmur. Kim gözləyərdi ki, “Bakı” “Sumqayıt”la 1:1 oynayar? Ona görə də biz hər oyuna ciddi hazırlaşırıq.
Ramiq AĞAMƏMMƏDOV
Messi 1-ci, Ronaldo 4-cü - Tarixin ən yaxşıları
Səudiyyə Ərəbistanından Salaha səxavətli təklif
"Şamaxı"da növbəti ayrılıq
Azərbaycan millisi İtaliyanı belə məğlub etdi - Video
"Rayo Valyekano"da baş məşqçi ayrılığı
PSJ ÇL-i qazansa, oyunçularına 1 milyon avro mükafat verəcək
"Kəpəz" kapitanı ilə müqaviləni uzatdı
Trippyerin yeni klubu məlum oldu
"Ağstafa Gəncləri" 2-ci liqadakı yerini qorudu
Bu yay "Barselona"dan gedir
"Əl-Nəsr" Jorje Jesusun ayrılığını açıqladı
"Karvan-Yevlax" baş məşqçisi ilə yolları ayırdı
"Qarabağ"ın legioneri milliyə çağırıldı
ÇL-i qazansalar, hər futbolçuya 1 milyon veriləcək
"Barselona" 100 milyonluq rəsmi təklif göndərdi
İtaliya klubu Tedesko ilə danışıq aparır
La Liqanı tərk etsələr də, Demiçelislə müqavilə uzadıldı
“İmişli”dən futbol veteranlarına bayram jesti
Qvardiol "Barselona"nın maraq dairəsində
Konate "Liverpul"dan gedir
