11:36
"Sabah" UEFA Çempionlar Liqasının 3-cü təsnifat mərhələsində Danimarkanın "Orhus" komandasının qonağı olacaq. Paytaxt təmsilçisinin baş məşqçisi Valdas Dambrauskas matçdan öncə keçirilən mətbuat konfransında fikirlərini bölüşüb.
QOL.az xəbər verir ki, mütəxəssis komandasının hazırlıq durumu və rəqib barədə danışıb:
"Burada olmaqdan böyük qürur duyuruq. Çünki bu mərhələdə çıxış etmək hər komandaya nəsib olmur. Sabahkı oyuna həqiqətən də çox ciddi və yaxşı hazırlaşmışıq. Rəqibimizi yaxşı tanıyırıq. Bilirik ki, istər komanda oyunu, istərsə də fərdi keyfiyyətlər baxımdan çox güclü kollektivlə üz-üzə gələcəyik.
Səfər oyununda rəqibin həm güclü, həm də zəif tərəflərini nəzərə alıb, öz üstünlüklərimizdən maksimum istifadə edərək qalib gəlməyə çalışacağıq. İnanıram ki, futbolçularım hazırlıq prosesində diqqət yetirdiyimiz hər bir xırda detalı meydanda düzgün icra edəcəklər.
Təbii ki, bu mərhələ iki oyundan ibarətdir. İlk matç sabah oynanılacaq, cavab qarşılaşması isə Bakıda baş tutacaq. İnanıram ki, doğma meydanda azarkeşlərimizin qarşısında əlimizdən gələnin ən yaxşısını edərək yekun nəticədə növbəti mərhələyə adlayan tərəf biz olacağıq".
Qeyd edək ki, “Orhus” - “Sabah” matçı avqustun 5-də Randers şəhərində keçiriləcək və Bakı vaxtı ilə saat 20:30-da başlayacaq. Cavab matçı isə avqustun 11-də Bakıda keçiriləcək və saat 20:00-da start götürəcək.
Messidən xeyirxah addım
"İmişli"də ayrılıq
Eriksen karyerasını başa vurmaq niyyətində deyil
"Arsenal" onu hədəfə aldı
FİFA-ya qarşı boykot planlaşdırırlar
"Fənərbaxça" onu göndərə bilmədi
Qəbələdə 5 qol
40 yaşlı futbolçu ilə müqaviləni yenilədilər
Şeydayevin yeni klubu rəsmiləşdi
