21:16
Cənubi Afrika millisinin qapıçısı Ronven Uilyams DÇ-2026-nın 1/16 finalında Kanada ilə oyundan öncə diqqət mərkəzinə düşüb.
QOL.az xəbər verir ki, "Daily Sport" nəşrinin məlumatına görə, 34 yaşlı qolkiper penaltilər seriyasındakı uğurlu çıxışları ilə tanınır. O, həm klubunda, həm də millidə həlledici qurtarışları ilə seçilib.
Uilyams 2024-cü il Afrika Millətlər Kubokunun 1/4 finalında Kabo-Verde ilə oyunda penaltilər seriyasında 4 zərbəni dəf edərək komandasını yarımfinala çıxarıb. O, həmçinin həmin turnirdə bürünc medal uğrunda matçda və ötən ay Afrika Çempionlar Liqasının finalında da penalti qurtarışları ilə komandasının uğurunda mühüm rol oynayıb.
Təcrübəli qolkiper uğurunun sirrini rəqibləri dərindən təhlil etməsində gördüyünü bildirib. Onun sözlərinə görə, penaltilər zamanı psixoloji təzyiq və qapı xəttindəki hərəkətləri ilə rəqiblərini çaşdırmağa çalışır.
Qeyd edək ki, Cənubi Afrika ilə Kanada arasında 1/16 final görüşü sabah Bakı vaxtı ilə 23:00-da Los-Ancelesdə keçiriləcək.
Muslera üzr istədi
"Real"da ayrılıq - Rəsmi
"Neftçi" slovakiyalı hücumçu transfer etdi
Azərbaycanın iki şahmatçısı dünya çempionu oldu
"Zirə"nin "Torpedo" ilə oyunlarının hakimləri bilindi
"Sabah"ın ÇL oyunlarının hakimləri açıqlandı
Dünya Çempionatı 2026
Xəbərlər
Təqvim
Cədvəl