20:32
“Real” zədəli futbolçularının son durumu ilə bağlı rəsmi açıqlama yayıb.
QOL.az klubun mətbuat xidmətinə istinadən xəbər verir ki, “kral klubu”nun düşərgəsindən sevindirici xəbərlər var. Müdafiəçi Raul Asensio və hücumçu Rodriqo cümə axşamı keçirilən məşqin bir hissəsini ümumi qrupla birlikdə yerinə yetiriblər. Bu isə hər iki futbolçunun yaxın zamanda tam gücü ilə sıraya dönəcəyindən xəbər verir.
Bununla yanaşı, müdafiəçilər Eder Militao, Ferlan Mendi və ulduz futbolçu Trent Aleksander-Arnold fərdi bərpa proqramlarını davam etdirirlər. Komandanın müdafiəsinin əsas simalarından olan Antonio Rüdiger isə məşqlərini qapalı zal şəraitində keçirir.
Xatırladaq ki, “Real” hazırda La Liqanın turnir cədvəlində lider “Barselona”dan cəmi 1 xal geri qalaraq ikinci pillədə qərarlaşıb. Madrid təmsilçisi yanvarın 24-də səfərdə “Vilyarreal”la üz-üzə gələcək.
