“Fənərbaxça”nın futbolçusu sıradan çıxdı

“Fənərbaxça”nın futbolçusu sıradan çıxdı
XƏBƏR 16 Noyabr 2025 / 16:59 620
-  A +

“Fənərbaxça”nın polşalı yarımmüdafiəçisi Sebastyan Şimanski millinin oyununda zədələnib.

QOL.az xəbər verir ki, 26 yaşlı futbolçu Polşa və Hollandiya milliləri arasında baş tutan qarşılaşmanın ilk hissəsində zədə səbəbindən oyunu yarımçıq tərk edib. İlkin müayinələr onun adduktor nahiyəsində problem aşkarlandığını göstərib. Bu səbəbdən Şimanski Polşa millisinin heyətindən çıxarılıb.

Futbolçunun vəziyyətinə İstanbulda keçiriləcək detallı tibbi müayinələrdən sonra tam aydınlıq gələcək. Mövcud duruma əsasən, onun milli fasilədən sonra “Fənərbaxça”nın “Rizespor” və “Ferentsvaroş”la oyunlarında iştirak etməyəcəyi gözlənilir. Şimanskinin 1 dekabrda “Qalatasaray”la baş tutacaq derbiyə yetişib-yetişməyəcəyi isə həkimlərin yekun rəyindən asılı olacaq.

Qeyd edək ki, Sebastyan Şimanski cari mövsüm “Fənərbaxça”nın heyətində 20 oyuna çıxaraq 2 qol və 2 məhsuldar ötürmə ilə yadda qalıb.

Daha çox


Son xəbərlər