19:42
Mövsüm sonunda “Barselona” ilə müqaviləsi başa çatacaq Robert Levandovski gələcək planlarından danışıb.
QOL.az xəbər verir ki, son vaxtlar təcrübəli forvard Kataloniya klubunu tərk edəcəyi, hətta “Fənərbaxça” da daxil olmaqla bir neçə komandanın onunla maraqlandığı xəbərləri ilə gündəmdədir. Bu fonda 37 yaşlı hücumçu mövzuya aydınlıq gətirib:
“Tələsmirəm. Gələcəyim haqqında düşünməyə ehtiyac yoxdur. Hazırda özümü yaxşı hiss edirəm və bu, mənim üçün ən vacibidir. Həyatda hər şey ola bilər, amma mən indi çox xoşbəxtəm. Bu mövsümün məqsədi qollar vurmaq və titullar qazanmaqdır. Hazırda ağlımda olan yeganə şey budur”.
Qeyd edək ki, Levandovski bu mövsüm “Barselona”nın heyətində 10 oyunda iştirak edib və 4 qol vurub.
