21:23
“Birinci hissədəni çox pis keçirdik. Bu səbəbdən də fasiləyə məğlub durumda yollandıq. Rəqibin də haqqını vermək lazımdır. “Turan Tovuz” həqiqətən də yaxşı komandadır”.
QOL.az saytının məlumatına görə, bu sözləri “Qarabağ”ın hücumçusu Kamilo Duran Misli Premyer Liqasının 8-ci turunda “Turan Tovuz”u 2:1 hesabı ilə məğlub etdikləri oyun barədə danışarkən deyib.
Kolumbiyalı futbolçu çox mühüm qələbə qazandıqlarını bildirib: “İkinci hissədə oyunu dəyişmək istəyirdik. Meydana bunun üçün çıxdıq. Tablodakı rəqəmləri dəyişmək bizim üçün çox mühüm idi. Şadam ki, bunu bacardıq. Yekunda çox vacib 3 xal qazandıq”.
“Turan Tovuz”a qarşı birinci hissədə mərkəz, ikinci hissədə isə cinah hücumçusu kimi oynadınız. Sizin üçün hansı daha rahatdır?” sualını Duran belə cavablandırıb: “Məşqçi hansı mövqedə oynatsa, əlimdən gələni edəcəm ki, komandaya daha çox xeyir verim. Mənim üçün heç bir fərqi yoxdur. Hər iki mövqedə özümü rahat hiss edirəm. Dediyim kimi, önəmli olan komandama faydalı olmaqdır”.
O, Çempionlar Liqasının Liqa mərhələsinin üçüncü turunda Bilbao səfərinə qələbə üçün yollanacaqlarını söyləyib: “Aydın məsələdir ki, rəqibimiz “Atletik”dir. Bu, ÇL oyunudur və əlavə şərhə ehtiyac yoxdur. Bizi səfərdə çox çətin matç gözləyir. Bunu bilirik. Amma ora məqsədimizə çatmaq üçün yollanacağıq. Hədəfimiz 3 xal qazanmaqdır”.
Premyer Liqa matçlarının tarixləri dəyişdirildi
Şəmkirdə vurulan 7 qol - Video
PSJ - "Bavariya" matçının heyətləri açıqlandı
Kurtua "El-Klassiko"ya hazırlaşır
FİFA-nı sülh mükafatını ləğv etməyə çağırdı
"Qalatasaray"ın hücumçusunu polisə şikayət etdilər
“Xankəndi” - “Qaradağ Lökbatan” matçından - Video
"Barselona" yenidən "Kamp Nou"nu tərk etməli olacaq
Rəhim Həsənov hakim qərarlarını təsdiqlədi - Video
