14:42
“Belə bir oyunu gözləyirdim. Hər iki komanda əlindən gələni etdi. Yəni mübarizə getdi”.
Bu sözləri QOL.az-a açıqlamasında Azərbaycanın Əməkdar məşqçisi Ağasəlim Mircavadov deyib.
77 yaşlı mütəxəssis Azərbaycan kubokunun yarımfinalının “Neftçi” ilə “Sabah” arasında keçirilən cavab matçı ilə bağlı danışıb. O, 1:1 hesabı ilə başa çatan oyun və “Neftçi”nin kubokla vidalaşması ilə bağlı fikirlərini bildirib: “Neftçi” ilk hissədə çox yaxşı oynadı. Mən saydım, Filip Ozobiçin 3 qol vəziyyəti oldu. Bundan istifadə etmək lazım idi. İkinci hissədə isə “Sabah” çox güclü oynadı. Hətta 3-4 qol epizodundan istifadə edə bilmədilər”.
A.Mircavadov “Neftçi”nin baş məşqçisi Samir Abasovun oyundan sonra dediyi “Bu futbolçuları mən gətirməmişəm, komandanı mən qurmamışam” fikrinə də münasibət bildirib. Mircavadov qeyd edib ki, bir çox legioneri həqiqətən də “Neftçi”yə layiq oyunçu deyil: “Bu, bir adətdir. Yeni baş məşqçi gələndə əvvəlki məşqçinin oyunçularından komandada kimlərsə qalırsa, deyir ki, bunları mən gətirməmişəm, mənə vaxt lazımdır. Əslində mən də düşünürəm ki, Samir Abasova vaxt vermək lazımdır. Samir “Neftçi”də qalıb işləməlidir. Yerli, istəkli, öz üzərində çalışan məşqçidir. Mən də “Neftçi”nin oyunçularından narazıyam. Legionerləri “Neftçi”yə layiq deyillər.
Dünənki oyunda bütün komanda istəkli idi, əllərindən gələn qədər oynadılar. Amma bundan artığını edə bilmirlər. Səviyyələri bura qədərdir. Ona görə həmişə deyirəm ki, legionerləri elə seçmək lazımdır ki, “Neftçi”yə layiq futbolçular olsunlar. Niyə “Qarabağ”, “Sabah” yaxşı oyunçular tapır, “Neftçi” yox? Fərq bundadır. Bir də əsas məsələ odur ki, bizdə çox məşqçi futbolçunu aça bilmir. Amma məncə, cavan məşqçilərə vaxt vermək lazımdır. Tədricən düzələcək. Heç bir işdə tələsmək lazım deyil”.
“Neftçi”nin keçmiş çalışdırıcısı sabiq komandasının stabil oynamamasından və bunu səbəblərindən də danışıb: “Neftçi” ardıcıl 3-4 oyunda meydana optimal heyətlə çıxa bilmir. Məlumdur ki, yeni gələn baş məşqçi axtarışda olur. Mən deyərdim ki, “Neftçi”də hazırda çıxış edən oyunçuların çoxunun potensialı elə bu qədərdir. Bundan o tərəfi yoxdur. Amma “Neftçi” elə bir klubdur ki, hər il avrokuboklarda oynamalıdır. Bunu sözdə yox, əməldə göstərmək lazımdır. Çempionlar Liqası olmasın, olsun lap Konfrans Liqası. Çünki sən avrokuboklarda çıxış edəndə legioner oyunçular gətirmək imkanın daha çox olur. Ola bilər ki, “Neftçi”nin hansısa oyunçuları bəzən yaxşı çıxış edirlər. Amma sabit oyun yoxdur. Bu da onların səviyyəsi ilə bağlıdır. Yenə deyirəm, baş məşqçi Samir Abasova şans vermək lazımdır. Bu da klub rəhbərliyindən asılıdır. Necə qərar verəcəklər, zaman göstərəcək”.
Ramiq Ağaməmmədov
Flik "Barselona"dan onu istədi
"Real" 17 yaşlı vingeri transfer edir
U-21 millimiz Monteneqro ilə bərabərə qaldı
"Borussiya" Bellinqemlə razılaşdı
Spaletti İtaliya millisindən gedəcəyini açıqladı
"Dünya çempionu olmağımız minifutbola marağı artıracaq"
Millimizin Monteneqro ilə oyunu üçün - Start heyəti
Azərbaycanlı futbolçu Rusiya Superkubokunun qalibi oldu
Millətlər Liqasında bürünc mükafatçı müəyyənləşdi
"Nyukasl" "Mançester Siti"nin vingerini hədəflədi
"Real" ona yeni müqavilə təklif etdi
Patrik Vieyrayla yeni müqavilə imzalandı
Spaletti İtaliya millisindən gedir?
"Mançester Siti"ni tərk edə bilər
"Real" 16 yaşlı futbolçu transfer edir
"Mançester Yunayted" futbol klubu deyil"
Ronaldo: "Yamala təzyiq etməyin ki..."
Daha 1 il "Tottenhem"də
Əliyar Ağayev DÇ-2026-nın seçmə mərhələsinin oyununda
"Qarabağ"ın futbolçusu evləndi
"Araz-Naxçıvan"da növbəti yeni müqavilə
Alisson Bekker gələcəyindən danışdı
"Bayer" 18 yaşlı hücumçu alır
Türkiyənin ABŞ üzərindəki əzmkar qələbəsi - Video
İngiltərə və Niderlanddan qələbə
Klopp "Real"a hücumçu təklif etdi
"Qarabağ"ın hazırlıq planı bilindi
"Barselona" ter Ştegenə təzminat ödəməyə hazırdır
"Liverpul"dan rəsmən yeni transfer
"Şamaxı" növbəti transferini açıqladı
