Noyer millidəki karyerasını bitirməsindən danışdı

Noyer millidəki karyerasını bitirməsindən danışdı
XƏBƏR 24 Avqust 2024 / 12:42 1163
-  A +

"Bavariya"nın qapıçısı Manuel Noyer Almaniya millisindəki karyerasını bitirmək qərarını şərh edib.

QOL.az xəbər verir ki, 38 yaşlı qolkiper sosial şəbəkə hesablarındakı paylaşımında bu sözləri yazıb:

“Əziz Almaniya, mən adətən belə şeylər yazmağı sevmirəm. Mən çox özəl insanam. Amma indi millidə karyeramı başa vurduğum üçün daha çox yazmaq istəyirəm. Almaniya millisinin mənim üçün nə demək olduğunu sizə izah etmək istəyirəm. Futbol mənim üçün nə deməkdir?

Sözün açığı, bu qərarı vermək çətin idi. Fikrimlə ürəyim arasında qaldım. Ürəyim dedi: “Milli üçün çox darıxacaqsan. Ölkən üçün oynamaq, futbolçuların yanında olmaq üçün darıxacaqsan". Amma ailəmlə danışandan sonra elə hiss etdim ki, doğru zamanda gedirəm.

Avropa çempionatını qazanaraq vidalaşmağı çox istərdim, amma turnirdə olmaq və hər kəsin yeni nəsil alman futbolunu dəstəklədiyini görmək inanılmaz bir xatirədir. Qürur duyduğum şey heç vaxt təslim olmamağımdır. Mübarizəni davam etdirdim. Ailəmin, dostlarımın və komanda yoldaşlarımın köməyi ilə 2023-cü ilin oktyabrında, Avropa çempionatına 7 aydan az qalmış meydana qayıtdım”.

Xatırladaq ki, Manuel Noyer Almaniya millisində 2009-cu ildə debüt edib. O, avqustun 21-də millidəki karyerasını başa vurduğunu açıqlayıb.

Daha çox


Son xəbərlər
topaz banner