18:30
"Omoniya"nın (Kipr) baş məşqçisi Valdas Dambrauskas Konfrans Liqasının pley-off mərhələsində evdə "Zirə"yə qarşı keçirəcəkləri ilk oyun haqqında danışıb.
QOL.az xəbər verir ki, mütəxəssis bu gün təşkil olunan mətbuat konfransında Azərbaycan təmsilçisi haqqında xoş sözlər deyib:
"İlk növbədə mən həqiqətən də rəqibdə çox yaxşı komanda ruhu görürəm. Onlar ilk oyunlarını Avroliqada "Şerif"ə qarşı keçirdilər. Çox yaxşı matç idi. "Şerif" penaltilər seriyası ilə mərhələ adladı. Daha sonra "Zirə" Konfrans Liqasında Slovakiya komandasını ("DAK-1904" - red.) məğlub etdi. Bu, komandaya güc verdi. Düşünürəm ki, Xorvatiya "Osiyek"i ilə oyunlarda çox dəyişdilər. Xüsusilə Azərbaycanda keçirilən cavab matçında "Zirə" üstünlük təşkil etdi".
O, "Zirə"ni yaxşı analiz etdiklərini bildirib: "Zirə"nin oyun tərzi haqda bunu demək olar ki, xüsusilə müdafiədə yaxşı oynayırlar. Biz rəqib haqqında məlumat toplamışıq. Onların ötən mövsüm Azərbaycan çempionatındakı bir neçə oyununa da nəzər saldıq. Bu komandaya qol vurmaq çox çətindir. Hücumçular da hər oyunda çox çalışırlar. Müdafiə xətləri fərqlənir. Çünki bu, tipik üslub deyil. Komandanın müdafiəyə oturduğu və baş məşqçinin tapşırıqları əsasında oynadığı görünür".
Valdas Dambrauskas "Zirə" ilə görüşlərin çətin keçəcəyini söyləyib: "Matç boyu diqqətli olmalıyıq. Müsbət nəticə əldə edəcəyimizə inanıram. Azarkeşlərimiz kimi, biz də bu qarşılaşmanı səbirsizliklə gözləyirik. Ümid edirik ki, onları sevindirəcəyik. Bu görüşün çətin keçəcəyini düşünürəm. Çünki açar ötürmələr xətlərdə boşluq verən komandalara qarşı keçir. Maneələrlə qarşılaşacağıq. Amma inanıram ki, futbolçular sabah yaxşı iş görəcəklər. Hər iki komanda meydana planlı şəkildə çıxacaq. Amma artıq ilk dəqiqələrdən planlarımızı reallaşdıra bilib-bilməyəcəyimizə baxmalıyıq. Biz bunu bacara bilərik. Biz hər gün videoanalizlər etdik. Rəqibin oyun tərzinə uyğun məşqlərimiz oldu. Oyuna hazırıq. Əlbəttə ki, hər bir komandanın üstün və mənfi cəhətləri var. Bizim işimiz güclü tərəflərimizi üzə çıxarmaqdır. Rəqibin isə zəif nöqtələrindən yararlanmalıyıq. Evdə oynayırıq və cəsarətli olmalıyıq. Meydanda baş verən heç bir şey bizim inamımızı öldürə bilməz".
Qeyd edək ki, sabah 22-də GPS stadionunda keçiriləcək matç Bakı vaxtı ilə saat 21:00-da başlayacaq. Cavab görüşü bir həftə sonra Bakıda olacaq.
Avropa Liqasının ağası
DÇ-2026-nın reklam çarxında yer aldı, azarkeşlər qınadı
Premyer Liqanın ən gənc çempionu oldu
Dembele "Arsenal"a qarşı oynayacaq
Kukurella "Çelsi"dən gedəcək?
"Arsenal" Artetaya yüksək maaş təklif edə bilər
Millinin təlim-məşq toplanışı ləğv edildi
Mourinyo Vinisiusla bağlı nə düşünür?
"Arsenal" çempionluq paradı keçirəcək
Türkiyə kubokunda finalın hakimləri açıqlandı
Son üç mövsümün bombardirləri kimlərdir?
UEFA milli komandalar üçün yeni format müəyyənləşdirdi
Meydanı özbaşına tərk edən bölgə klubu cəzalandırıldı
1-ci liqanın çempionu cərimələndi
AFFA-dan "Sabah" və "Neftçi"yə cəza
“İmişli”də yeni müqavilə
Son üç mövsümün 10 bombardiri
11 illik dövrün sonu
Noyer mundialı buraxa bilər
Artetadan Premyer Liqa tarixinin rekordu
İsveçrə millisi DÇ-2026-ya bu heyətlə yollanır
