11.12.25
"Qətiyyətlə deyə bilərəm ki, "Qarabağ” çox böyük beynəlxalq təcrübəyə malik komandadır. Biz isə geniş heyətə malikik. Hərçənd ki, Bernard Tekbetey xoşagəlməz zədə alıb".
QOL.az xəbər verir ki, bu sözləri "Ludoqorets"in (Bolqarıstan) baş məşqçisi Georgi Dermenciyev UEFA Çempionlar Liqasının 3-cü təsnifat mərhələsinin "Qarabağ"la cavab matçı üçün keçirilən mətbuat konfransında deyib.
O, komandasının "Qarabağ"la oyuna yaxşı hazırlaşdığını bildirib: "Qarabağ"la səfər matçında futbolçularımı tanıdım. Onlar heç nəyə görə narahat deyillər və hər oyunda qol vururlar. Bu, bizim üçün son dərəcə vacib, eyni zamanda çox çətin oyundur. Futbolçuların vəziyyəti yaxşıdır. Qarşılaşmaları bir-bir nəzərdən keçirəcəyik. "Levski" ilə oyun üçün vaxtımız var".
Baş məşqçi Ağdam klubunu və onun çalışdırıcısı Qurban Qurbanovu tərifləyib: “Qarabağ” hərtərəfli Avropa komandasıdır. Mən onların hekayəsini yaxşı bilirəm, məşqçilərini və onun işini yaxşı tanıyıram. O, böyük peşəkardır”.
Qeyd edək ki, “Ludoqorets” – “Qarabağ” matçı sabah Razqraddakı “Huvefarma Arena” stadionunda keçiriləcək və Bakı vaxtı ilə saat 22:00-da başlayacaq. “Ludoqorets” Bakıda “Qarabağ”ı 2:1 hesabı ilə məğlub edib.
Volkanı Metin əvəzlədi
18 ildən sonra
Jardim istefa verdi
“Sumqayıt” 7 dəqiqədə 2 qol vurdu - Video
Zədəli Çalhanoğlu komandası üçün meydana çıxacaq
Bredli MLS təmsilçisinin baş məşqçisi təyin olundu
"İnter Mayami" "Real"ın sabiq oyunçusu ilə razılaşdı
Kukurelya La Liqaya qayıda bilər
