21:34
"Qarabağ"ın prezidenti Tahir Gözəl UEFA Çempionlar Liqasının 3-cü təsnifat mərhələsinin "Ludoqorets"lə Bakıda keçirilən ilk oyunundan sonra jurnalistlərə açıqlama verib.
QOL.az xəbər verir ki, o, “Qarabağ”ın göstərdiyi oyundan razı qaldığını deyib: “Bugünkü matç onu göstərdi ki, rəqib komanda “Qarabağ”ı yaxşı təhlil edib. Mənim üçün əsas odur ki, komandanın içində iradə var. Oyun üstünlüyü “Qarabağ”da idi. Çox fürsətlər oldu. Qismət, bəxt... Bu, futboldur. Nə qədər zərbələr etdik rəqib müdafiəsinin ayağına ilişirdi. Mən deyərdim ki, qapıçıları onlar üçün xilaskar oldu.
Bolqarıstan çempionudur. Avrokuboklar oyunları ağır oyunlardır. Biz heç bir rəqibi özümüzdən kiçik görmürük. Hələ də məsələ qurtarmayıb. İnşallah, mən də komandamla bərabər Bolqarıstanda olacam. Gəlin onlara dəstək verək. Hesab edirəm ki, inşallah, bugünkü oyundan bir az da əla oynasaq, bir az da sürpriz yaratsaq, hər şey yaxşı olacaq. Biz bu gün təcrübə qazandıq. Çalışacağıq, Allahın köməyi ilə, qələbə ilə qayıdaq”.
Klubun prezidenti hədəfin mütləq Çempionlar Liqasının qrup mərhələsi olduğunu vurğulayıb: “Bu gün gördüyünüz əzm Çempionlar Liqasının əzmidir. Biz səfərə ancaq qalibiyyət üçün gedirik”.
Bu mövsüm Azərbaycan çempionatında Roman Qriqorçuk, Kurban Berdıyev kimi yeni məşqçilər var. Bununla bağlı Tahir Gözəl bu il yerli çempionatın daha çətin keçəcəyini düşündüyünü bildirib: “Amma çətin oyunlar bizi bu cür oyunlara daha da gözəl hazırlaşdırır, formalaşdırır. Ona görə çətinliyə baxmayaraq, biz bu cür halları dəstəkləyirik. Biz yerli futbolun inkişafını həmişə dəstəkləyirik. Çünki Avropaya çıxanda bu məharət üçün bizim futbolda təcrübə yığılmalıdır. Bu isə ancaq yerli matçlarda olur”.
Lukaku "Napoli"dən gedir
Millətlər Kubokunun matç qaydalarına dəyişikliklər ediləcək
Noyer geri dönür
Ofsayd qərarları artıq "robot"lara həvalə olunur
İtaliya klubu tarixinin ən pis mövsümlərindən birini keçirir
Azərbaycan millisinin məşqindən - Şəkillər
“Qaradağ Lökbatan”ın 7 qollu qələbəsindən - Video
“Qarabağ”ın xanım azarkeşləri üçün giriş pulsuz olacaq
Belarus yığması Ermənistana qalib gəldi
Xavi "Barselona"ya qayıda bilməyəcək
"Tanımadığımız rəqiblərlə oynamaq yaxşıdır" - Ayxan Abbasov
“Tottenhem” baş məşqçisini istefaya göndərdi
CAF-in baş katibi istefa verdi
Azərbaycan çempionatında mükafat qazandılar
"Qolum sınsa da, döyüşməyə davam etdim" - Tofiq Musayev
