"Əsas məsələ “Lüdoqorets” yox, “Qarabağ"dır” - Patrik Andrade

XƏBƏR 3 Avqust 2024 / 10:23 7556

- A +

“Qarabağ”ın yarımmüdafiəçisi Patrik Andrade Misli Premyer Liqasının ilk turunda “Araz-Naxçıvan”a 4:1 hesabı ilə qalib gəldikləri oyundan sonra jurnalistlərin suallarını cavablandırıb. QOL.az saytının əməkdaşının da iştirak etdiyi müsahibəni təqdim edirik:

- Mövsümün açılış oyununda “Araz-Naxçıvan” üzərində qazanılan qələbəni necə şərh edərdiniz?

- Böyükhesablı qələbəyə baxmayaraq, istədiyimiz formada deyilik. Çempionatın əvvəlidir. Yaxşılaşdırmalı olduğumuz detallar var. İnanıram ki, növbəti turlarda daha yaxşı çıxış edəcəyik.

- Artıq çempionat start götürdü və avrokuboklardakı çıxışınızı davam etdirdiyinizi nəzərə alsaq, həftədə iki oyuna çıxacaqsınız. Təqvimin sıxlığı problem yaradacaq, yoxsa “Qarabağ” artıq buna öyrəşib?

- Əslində, sıx qrafikdə oynamaq həmişə çətindir. Amma şükür ki, heyətimiz genişdir. Demək olar ki, iki heyətimiz var. Bu səbəbdən də baş məşqçimiz həm avrokuboklarda, həm də ölkə çempionatında rotasiyalar edir. Ona görə də təqvimin sıxlığı bizim üçün elə bir çətinlik yaratmır.

- Növbəti matç “Lüdoqorets”ə qarşıdır. “Qarabağ” qələbə seriyasını Bolqarıstan çempionu ilə matçda da davam etdirə biləcək?

- Rəqibi analiz edəcəyik, lakin əsas məsələ “Lüdoqorets” yox, özümüzük. Oyun keyfiyyətlərimizi artırmalı, gücümüzə güvənməliyik. Düşünürəm ki, yaxşı oyun nümayiş etdirəcəyik.

- Vaxtı ilə Bolqarıstan çempionatında, “Çerno more”də oynamısınız. Həmin vaxtdakı “Lüdoqorets”lə indiki komanda arasında fərq var?

- 4 il əvvəllə müqayisədə “Lüdoqorets” çox şey dəyişib. İndiki heyətə, oyunçulara yaxından bələd deyiləm. “Çerno more” ilə yoxlama oyunlarına baxmışam. Hiss olunur ki, yaxşı komandadır. Dediyim kimi, bizi “Lüdoqorets”lə iki maraqlı oyun gözləyir.

- Maraqlıdır, 2018-2020-ci illərdə “Çerno more”nin heyətində “Lüdoqorets”lə oyunlarınız necə nəticələnirdi?

- Təəssüf ki, qələbəmiz olmayıb. Ya “Lüdoqorets”ə uduzmuşuq, ya da heç-heçə olub. Amma biz onlara ən çox başağrısı verən komanda olmuşuq.

- Bolqarıstandakı publikanı necə təsvir edə bilərsiniz?

- Ab-hava çox yaxşı olur. “Lüdoqorets”lə matçlar maraqlı keçəcək. Orada çoxlu dostlarım var. Oyunları izləməyə gələcəklər.

- Leandro Andrade də sizinlə birgə “Çerno more”də çıxış edib, “Lüdoqorets” ona da tanış rəqibdir. Maraqlıdır, püşkdən sonra Leandro ilə bunu necə qarşıladınız?

- Leandro ilə köhnə günləri xatırladıq. Hesab edirik ki, Bolqarıstana qayıtmaq maraqlı olacaq. Dostları görəcəyik, ötən günləri yada salacağıq. Bir sözlə, maraqlı olacaq.

Daha çox