Sautqeyt istefasından danışdı

Sautqeyt istefasından danışdı
XƏBƏR 16 İyul 2024 / 16:27 4126
-  A +

İngiltərə millisinin sabiq baş məşqçisi Qaret Sautqeyt vəzifəsindən getməsi haqqında dannışıb.

QOL.az xəbər verir ki, 53 yaşlı mütəxəssis bu gün istefa verib. O, qərarını belə şərh edib:

“Qürurlu bir ingiltərəli kimi İngiltərədə oynamaq və məşqçilik etmək mənim üçün şərəfdir.  Mən komandamıza hər şeyimi verdim. Ancaq dəyişikliyin və yeni bir səhifə açmağın vaxtıdır. Bazar günü Berlində İspaniyaya qarşı keçirilən Avro-2024-ün finalı mənim İngiltərə yığmasının baş məşqçisi kimi son oyunum oldu.

102 matçda böyük bir oyunçu qrupuna rəhbərlik etmək şərəfinə nail oldum. Onların hər biri millinin formasını fəxrlə geyinib. Almaniyaya apardığımız komanda gənc istedadlarla zəngin idi. Hər şey üçün sənə təşəkkür edirəm, İngiltərə".

Qeyd edək ki, Sautqeyt 2016-cı ildən İngiltərə milllisinin baş məşqçisi idi. Komanda bu müddət ərzində ümumilikdə 102 matç keçirib. Yığma Avro-2020-nin və Avro-2024-ün finallarında iştirak etsə də, hər iki həllediçi matçda uduzub və çempionluğu əldən verib.  İngiltərə millisi Avro-2020-də İtaliyaya, Avro-2024-ün finalında isə İspaniyaya məğlub olub.


Son xəbərlər