23:24
"Əlbəttə ki, milli komandamızdan hər zaman qələbə gözləyirik. Bunlar yoldaşlıq görüşləridir. Amma millinin qələbə qazanmağı futbolçularda ruh yüksəkliyi yaradacaq".
Bu sözləri QOL.az saytına açıqlamasında futbol mütəxəssisi Yunis Hüseynov deyib. O, Azərbaycan millisinin bu gün Albaniya ilə, iyunun 11-də isə Qazaxıstanla keçirəcəyi yoldaşlıq oyunları haqqında fikirlərini bölüşüb.
O, Azərbaycan millisinin bu oyunlarda yaxşı nəticələr qazanacağına inandığını söyləyib:
"Sentyabr ayında Azərbacan millisini vacib oyunlar gözləyir. Ona görə də bugünkü matçda qalib gəlmək lazımdır. Ümumiyyətlə, futbolçular hər bir oyunda meydana qələbə əzmi ilə çıxmalıdırlar. Bunu baş məşqçilər də futbolçulara tövsiyə edirlər. Mən inanıram ki, Albaniya - Azərbaycan oyunu maraqlı keçəcək. Bilirsiniz ki, Albaniya Avro-2024-də iştirak edəcək. Amma biz bu komandanın yaxşı və ya pis tərəflərini görməmişik. Mən inanıram ki, bizim komandamız bu oyunda yaxşı nəticə əldə edə bilər. Qazaxıstanla matçda da yaxşı nəticə qazanmaq mümkündür. Milli komandamıza uğurlar arzulayıram. Yoldaşıq oyunları olsa da, qələbə həmişə qələbədir".
Qeyd edək ki, Albaniya - Azərbaycan görüşü bu gün Bakı vaxtı ilə saat 21:00-da başlayacaq.
“Pley-off”da final günü
İran idmançıları bəzi ölkələrə gedə bilməyəcək
Azərbaycan millisinə mükafat təqdim olundu - Video
Azərbaycan millisi FİFA seriyasının qalibi oldu
Münhen klubunu tərk edəcək
Umarali Raxmonaliyevin yığması qələbə qazandı
