23:24
PSJ-nin sabiq futbolçusu Keylor Navas qalmaqalla gündəmə gəlib.
QOL.az xəbər verir ki, Navasın köməkçisi Nikolas onu qanunu pozduğuna görə məhkəməyə verəcək.
Bu barədə Nikolasın özü BFM TV-də danışıb.
Nikolasın dediyinə görə, Navas bəzən onu həftədə 90 saat işləməyə məcbur edib. Futbolçu işçisinə aylıq 3,5 min avro ödəyirdi, lakin tərəflər heç bir müqavilə imzalamayıblar ki, bu da vergidən yayınmaqdır. Nikolas Navasdan əmək müqaviləsi tələb edib. O, buna dair səs yazısı da təqdim edib. Səs yazısından Navasın“Biz burada Fransa qanunlarına əsasən işləmirik. Müqavilə yoxdur, sizə nağd ödəyirəm! Mənim qaydalarıma uyğun işləyirik” - deyə cavab verdiyi məlum olub.
Köməkçi onu da bildirib ki, Navas onu mənzillə təmin etməyi öhdəsinə götürüb. Ancaq Keylorun işçisini yerləşdirdiyi otaq dəhşətli dərəcədə pis vəziyyətdə olub. İddiaya görə, Navas Nikolasdan həmişə ov tüfənginin yanında olmasını tələb edib. Futbolçunun özü bir dəfə hətta müvafiq icazəsi olmasa da, Nikolayın qarşısında ov tüfəngindən atəş açıb.
Keylor Navas 2019-cu ildə "Real"dan PSJ-yə keçmişdi. Bu müddət ərzində o, bütün turnirlərdə 113 qarşılaşmada iştirak edib, 51-də qapını təmiz saxlayıb. 2024-cü ilin mayında qapıçı PSJ-dən ayrıldığını açıqlayıb.
“Pley-off”da final günü
İran idmançıları bəzi ölkələrə gedə bilməyəcək
Azərbaycan millisinə mükafat təqdim olundu - Video
Azərbaycan millisi FİFA seriyasının qalibi oldu
Münhen klubunu tərk edəcək
Umarali Raxmonaliyevin yığması qələbə qazandı
