01:59
Bu gün Avropa Liqasında 2023/2024 mövsümünün çempionu müəyyənləşib.
QOL.az xəbər verir ki, İrlandiyanın paytaxtı Dublində turnirin final matçı keçirilib.
Həlledici görüşdə Almaniya "Bayer"i İtaliya "Atalanta"sı ilə üz-üzə gəlib. Oyun "Atalanta"nın böyükhesablı qələbəsi ilə başa çatıb - 3:0. Ademola Lukmanın het-triki ilə berqamolular tarixlərində ilk dəfə bu turnirin qalibi olublar.
Bu oyunda həmçinin, bu mövsüm Bundesliqanın çempionu olan Xabi Alonsonun komandasının uğurlu seriyasına son qoyulub. Cari mövsümdə heç bir turnirdə uduzmamayan "Bayer"in ümumilikdə 51 oyunluq məğlubiyyətsizlik seriyası var idi. Komanda Bundesliqanı da uduzmadan başa vurub.
Qeyd edək ki, "Bayer" bu mövsüm qrup mərhələsində Azərbaycan təmsilçisi "Qarabağ"la birlikdə H qrupunda mübarizə aparıb. Leverkuzen təmsilçisi lider kimi 1/8 finala, Ağdam klubu isə qrup 2-cisi kimi pley-offa vəsiqə qazanıb. "Bayer"in 1/8 finaldakı rəqibi də məhz pley-offda "Braqa"nı mübarizədən kənarlaşdıran "Qarabağ" olub.
Qeyd edək ki, Avroliqanın son qalibi "Sevilya"dır.
UEFA Avropa Liqası final
22 may
23:00. "Atalanta" (İtaliya) - "Bayer" (Almaniya) - 3:0
Qollar: Lukman, 12, 26, 76
Hakimlər: İştvan Kovaç, Vasile Marinesku, Ovidiu Artene (hamısı Rumıniya), İvan Krujlyak (Slovakiya).
VAR: Pol van Bökel (Niderland).
İrlandiya, "Dublin Arena".
"Real”ın futbolçusu sıradan çıxdı
Haalandın bombardirlər arasında da rekordu var
"Portuqaliya mən gələnədək heç nə qazanmamışdı"
"Qarabağ" - "Neftçi" matçının biletləri satışa çıxır
“Qarabağ”la oyunda zədələnən Laviya uzun müddət oynamayacaq
“Ayaks” baş məşqçisi ilə yollarını ayırdı
"Fiziki cəhətdən zəif təsir bağışladıq" - Yevgeni Kukseviç
Lukmanla baş məşqçi arasında soyuq küləklər əsir
Futzal millimiz məğlub oldu
Fransa yığmasının Azərbaycanla oyun üçün heyəti açıqlandı
“Araz-Naxçıvan”ın 1/8 finaldakı rəqibi müəyyənləşdi
Mourinyo: "Mən hakimi sevmirəm, o da məni"
