Qələbəyə görə möhtəşəm bayram şənliyi təşkil etdilər - Şəkillər, Video

Qələbəyə görə möhtəşəm bayram şənliyi təşkil etdilər - Şəkillər, Video
VİDEO 12 Aprel 2024 / 11:38 4875
-  A +

Bugünlərdə İspaniya Kral Kubokunu qazanan “Atletik” azarkeşləri ilə unudulmaz bayram tədbiri təşkil edibAprelin 6-da onlar “Real Malyorka”ya finalda qalib gələrək (penaltilər seriyasında) 40 il sonra yenidən İspaniya kubokuna sahib olublar.

QOL.az xəbər verir ki, bu zəfərin şərəfinə Bask bölgəsindəki Bilbao şəhərində möhtəşəm şənlik təşkil olunub. 1984-cü ildə qazanılan kubok üçün mərasimdə istifadə olunan “La Gabarra” adlı gəmi xüsusi olaraq bu tədbirə görə muzeydən çıxarılaraq 40 il sonra çaya buraxılıb. 

“Atletik”in futbolçuları və məşqçi heyəti 18,5 metr uzunluğunda olan gəmiyə minərək Bilbao çayında 13 km. məsafə qət ediblər. Çayın kənarındakı bütün yollara, evlərin eyvanına, kafe və restoranların terasına çıxan azarkeşlər sevimli komandalarının sevincinə şərik olublar.

Bilbao şəhəri klubun rəngi ağ-qırmızıya bürünüb. İspaniya mətbuatının yazdığına görə, bayram tədbirində 1 milyona yaxın insan iştirak edib. 

Tədbir Bilbao bələdiyyəsinin eyvanında təşkil olunan çıxışlarla başa çatıb.


Son xəbərlər