23:08
“Oyuna pis başlamamışdıq. Rəqib isə bütün komanda ilə yaxşı müdafiə olunurdu. Buna görə qol vurmaq bir qədər çətinləşirdi”.
QOL.az saytına açıqlamasında bu sözləri milli komandamızın müdafiəçisi Bədavi Hüseynov “FİFA series - Edition 2024” layihəsi çərçivəsində Monqolustan üzərində qazanılan 1:0 hesablı qələbəni şərh edərkən deyib.
O, qələbə qolunu vurmalarını müsbət hal kimi dəyərləndirib: “İlk hissədə xeyli qol şansımız olsa da, dəyərləndirə bilmədik. Yekunda rəqibi tamamilə qapısına doğru sıxışdırmışdıq. Yaxşı ki qələbə qolunu vura bildik. Qalib gəldiyimiz üçün sevinirəm. Bu qol yaxşı əhval-ruhiyyə ilə Bolqarıstanla görüşə hazırlaşmağa imkan yaratdı”.
33 yaşlı futbolçu bildirib ki, milli oyun ritmini itirib: “Hesabı daha tez açmaq üçün bir qədər dəqiqlik çatışmadı. Həm də neçə vaxtdır birgə oynamırdıq. Hiss olunur ki, oyun ritmini itirmişik. Çalışmalıyıq ki, növbəti matçlarda yaxaladığımız epizodları daha yaxşı reallaşdıraq”.
B.Hüseynov hazırda milliyə rəhbərlik edən Arif Əsədov barədə də danışıb: “Arif Əsədovu yaxşı tanıyırıq. O da bizim hansı keyfiyyətlərə sahib olduğumuzu bilir. Ümumi götürdükdə, millidə ciddi dəyişiklik yoxdur. Əsədov müəyyən korrektələr edib. O, bizdən hücum futbolu tələb edir. Bu isə bəzən alınır, bəzən yox. Üzərində işləməli olduğumuz məqamlar var”.
B.Hüseynov sabah Bolqarıstana qarşı keçiriləcək matçdan da söz açıb: “Bolqarıstan daha çiddi rəqibdir. Hücum futbolu oynamağa çalışacağıq. Hazırlıq baxımından bizim üçün yaxşı matçdır. Bu qarşılaşma gələcək üçün faydalı olacaq”.
_22.01.19.jpg)
"Liverpul"dan xal itkisi
Keyn mükafat alacaq
Virtz "Bayer"də qalır
"Traktor" 1/4 finalda
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
