“Bayer” möhtəşəm seriyanı bu gün də davam etdirdi

“Bayer” möhtəşəm seriyanı bu gün də davam etdirdi
DÜNYA FUTBOLU 3 Mart 2024 / 21:45 6715
-  A +

"Qarabağ"ın Avropa Liqasını 1/8 final mərhələsindəki rəqibi "Bayer" Almaniya Bundesliqasında 24-cü tur oyununa çıxıb.

QOL.az xəbər verir ki, Leverkuzen təmsilçisi səfərdə "Köln"lə qarşılaşıb. "Bayer" rəqibini 2:0 hesabı ilə məğlub edib. Bununla da Xabi Alonsonun komandası məğlubiyyətsiz oyunlar seriyasını 34-ə çatdırıb (24 matç Bundesliqada, 6 matç Avroliqada, 4 matç ölkə kubokunda).

Bu görüşdə "Bayer"in qollarını 38-ci dəqiqədə Jeremi Firimponq və 73-cü dəqiqədə Aleks Qrimaldo vurub.

"Bayer" hazırda Bundesliqanın turnir cədvəlində 64 xalla liderdir. Komanda 2-ci yerdəki "Bavariya"nı 10 xal qabaqlayır.

"Bayer" növbəti oyununu "Qarabağ"a qarşı keçirəcək. Sözügedən matç martın 7-də Tofiq Bəhramov adına Respublika Stadionunda olacaq və saat 21:45-də başlayacaq. Bu komandalar arasında cavab görüşü isə martın 14-də Leverkuzendə oynanılacaq.


Son xəbərlər