"3:0 asan görünə bilər, amma çətinliklə oldu" - Rəşad Sadıqov

"3:0 asan görünə bilər, amma çətinliklə oldu" - Rəşad Sadıqov
ÖLKƏ FUTBOLU 25 Fevral 2024 / 19:17 2806
-  A +

"Azarkeşlərə təşəkkür edirəm. 10 oyundur qələbə qazanmırdıq. Futbolçulara və mənə mənəvi olaraq dəstək oldular. Qələbəmizi onlara ərmağan edirəm. Futbolçular kritik vəziyyətdə qələbə qazandılar. Əzmkarlıq göstərdilər". 

QOL.az xəbər verir ki, bu sözləri "Zirə"nin baş məşqçisi Rəşad Sadıqov Misli Premyer Liqasının 24-cü turunda "Araz-Naxçıvan"a 3:0 hesabı ilə qalib gəldikləri oyundan sonra keçirilən mətbuat konfransında deyib.

"İlk hissə hər iki komanda ehtiyatlı oynayırdı. Fasilədən sonra daha açıq futbola üstünlük verildi. Hansısa komandanın fərqlənəcəyi kimi görünürdü. İkinci qoldan sonra komanda rahatlandı. Rəqib də əzmkar mübarizə aparırdı. 3:0 asan görünə bilər, amma çətinliklə oldu. Qarşıda bizi çox vacib oyunlar gözləyir" - deyə o bildirib.

Mütəxəssis hakimlikdən razı qalıb-qalmadığı ilə bağlı sualı belə cavablandırıb: "Mən razıyam və ya razı deyiləm, bu cür düşüncəm yoxdur. Əsas odur ki, hər iki komanda meydandan çıxanda hakimlikdən razı qalsın. Hər dəfə alınmır". 

R.Sadıqov çempionatda qol vurmağın çətin olduğunu vurğulayıb: "Bəlkə də, tarixin ən az qollu mövsümünü keçiririk. Əsas problemimiz son zərbələrdə dəqiq ola bilməməyimiz idi. Bu gün bunu aradan qaldırdıq və belə hesabla qələbə qazandıq".

Daha çox


Son xəbərlər
21.04.24  16:00

"Arsenal"dan rekord

21.04.24  14:28

"Bavariya"dan ayrılır