Azərbaycan güləşçisi erməniyə qalib gələrək finala çıxdı

Azərbaycan güləşçisi erməniyə qalib gələrək finala çıxdı
GÜLƏŞ 21 Sentyabr 2023 / 19:50 2880
-  A +

Bu gün Azərbaycanın üç yunan-Roma güləşçisi Serbiyanın paytaxtı Belqraddakı dünya çempionatında finala çıxıb.

Qol.az xəbər verr ki, Rafiq Hüseynov (82) yarımfinalda Türkiyə təmsilçisi Burhan Akbudakla üz-üzə gəlib.

Rəqibinə sonuncu xal prinsipinə əsasən (5:5) qalib gələn Hüseynov sabah qızıl medal uğrunda qarşılaşmada iştirak edəcək.

Eldəniz Əzizli (55) yarımfinalda İran təmsilçisi Puya Dad Marza qalib gəlib - 3:2. O, sabah qızıl medal uğrunda görüşə çıxacaq.

Sənan Süleymanov (77) isə yarımfinalda Ermənistan təmsilçisi Malxas Amoyanla üz-üzə gəlib. Rəqibinə 5:0 hesabı ilə qalib gələn Süleymanov həm həlledici qarşılaşmaya vəsiqə qazanıb, həm də Paris-2024 Yay Olimpiya Oyunlarına lisenziya əldə edib.

Daha çox


Son xəbərlər