"Beşiktaş"la rəqib olanda hamı bizi siyahıdan silmişdi. Futbolda hər şey mümkündür. Baxmayaraq ki, ilk oyunda uduzub, bura məğlubiyyətlə gəlmişik".
Qol.az xəbər verir ki, bu sözləri "Neftçi"nin baş məşqçisi Adrian Mutu Konfrans Liqasının 3-cü təsnifat mərhələsində "Beşiktaş"a qarşı keçirəcəkləri oyundan əvvəl təşkil olunan mətbuat konfransında deyib.
Mütəxəssis ilk görüşdə 1:3 hesabı ilə uduzsalar da, cavab oyununda qalib gəlməyə çalışacaqlarını qeyd edib: "İki qol fərqini aradan qaldırmalıyıq, bunu başa düşürük. Sabahkı matçda çalışacağıq ki, əlimizdən gələni edək və azarkeşlərimizə hörmət göstərək, geyindiyimiz rənglərə hörmətlə yanaşaq. Normalda bu cür komandalarla Çempionlar Liqasında qarşılaşırsan, Konfrans Liqasında yox. "Beşiktaş"la ilk oyunun 1-ci hissəsində də komandam əlindən gələni edirdi. Amma istəyərəm ki, sabah ikinci hissədə oynayan "Neftçi"ni görüm.".
A.Mutu komandasının heyətinin hazırkı durumuna toxunub: "Böyük dəyişiklik yoxdur. Zədəliləri çıxmaq şərti ilə aşağı-yuxarı eyni heyətdir. Heyətimiz kasaddır. Yeni transferlər də gözlənilir. Əlbəttə ki, son oyunların ritminə fikir versək, bu, bizə heç də üstünlük vermir. Normalda həm avrokuboklarda, həm də yerli çempionatda yaxşı çıxış etmək üçün daha geniş heyətə ehtiyac var. Çalışırıq ki, düşdüyümüz vəziyyətə uyğunlaşaq və bu vəziyyətdən yaxşı formada çıxa bilək. Biz buradayıqsa, demək hər oyuna qələbə üçün çıxmalıyıq".
"Neftçi" Misli Premyer Liqasının 2-ci turunda "Səbail"lə matçdan dərhal sonra İstanbula yollanıb. O, bunun səbəbini belə izah edib: "Səbail"lə oyundan sonra bir gün vaxtımız oldu ki, bərpa məşqi edək. Ondan sonra ilk dəfədir ki, bu gün meydanda məşqə çıxacağıq. Bakıya görüşümüz beşinci günə planlaşdırılır. Qayıtdığımız gün bərpa məşqi edib, sonra "Sabah"la matça hazırlaşacağıq. Həmin oyunun vaxtı dəyişdirilməsə, eyni vəziyyət olacaq".
Baş məşqçi "İlk dəqiqədən hücum futbolu oynayacaqsız, yoxsa gücünüzü 90 və ya 120 dəqiqəyə bölüşdürəcəksiniz" sualına bu cür cavab verib: "Çalışacağıq ki, sabah öz üslubumuzda olan futbol oynayaq. İstədiyimiz oyunu mükəmməlləşdirmək istəyiriksə, rəqibdən fərqli olmayaraq, eyni üslubda davam etdirməliyik".
"Neftçi" daha əvvəl avrokuboklarda Rusiya klubunu mübarizədən kənarlaşdırıb. A.Mutu sabah Türkiyə klubunu da məğlub etməyin mümkün olduğunu bildirib: "İlklər həmişə baş verir".
Mütəxəssis "Beşiktaş"a qarşı sabahkı matçda "Səbail"lə oyunda meydanda gördüyümüz heyəti buraxacaqsınızmı" sualını belə şərh edib: "Heyətimizə nəzər yetirsəz, görərsiniz ki, o qədər çox oyunçu yoxdur. Ona görə sual qarşısında mat qalıram. Baxarıq, görərik. "Beşiktaş"ın geniş heyəti var. Bizdə də gələcəkdə belə heyət olsa, daha yaxşı çıxış edərik, daha yaxşı nəticələrimiz olar. Gənclərimiz çoxdur. İki qol fərqini aradan qaldırmalıyıq. Bunu etmək üçün daha təcrübəli futbolçuların təcrübəsindən istifadə etmək lazımdır. Çoxlu detallara nəzər yetirməliyik. Heç də asan olmayacaq. Çalışacağıq ki, sabah gücümüzün 100 faizini ortaya qoyaq".
A.Mutu futbolçu karyerasında da belə vəziyyətlərlə qarşılaşdığını və çətin durumda mərhələ adladığını deyib: "Bəli, bu cür hallarla rastlaşmışam. Belə matçlarda hər qol vacibdir. Birinci oyundakı səhvləri ikinci matçda düzəltməyə çalışırsan. Rahatlaşmaq olmaz. Düşünürəm ki, istədiyimiz oyunu göstərə biləcəyik".
"Biz ikinci hissə "Beşiktaş"a göstərdik ki, futbol oynaya bilirik. Onlar da bilməlidir ki, itirəcəyimiz bir şey yoxdur. Bundan diqqətli olmalıdırlar" - deyə sonda A.Mutu bildirib.
Qeyd edək ki, bu komandalar arasındakı ilk oyunda "Beşiktaş" 3:1 hesablı qələbə qazanıb. Sabah İstanbulda keçiriləcək cavab görüşü Bakı vaxtı ilə saat 21:00-da başlayacaq.
Ramiq Ağaməmmədov
"Neftçi"yə qarşı hamı istəkli oynayır" - Qurban Qurbanov
"Real" 36-cı dəfə İspaniya çempionu oldu
"Qarabağ" Bəhlulla yeni müqavilə imzaladı
"Qarabağ"ın 5 cavabsız qolu - Video
"Qarabağ" "Neftçi"ni darmadağın etdi, "Sumqayıt"dan heç-heçə
"Real"dan böyük hesablı qələbə
Samir Abasov: "Futbolçularım ağır görünürdü"
2 qol, 2 qırmızı vərəqə - Video
Şahruddin 90 dəqiqə oynadı, komandası qalib gəldi
"Qarabağ" - "Neftçi": Heyətlər
"Arsenal"dan qələbə
Azərbaycanın U-17 millisi Qazaxıstana uduzdu
"Kəpəz" - "Sumqayıt": Heyətlər
Tiaqo Silva bu kluba keçir
Maradonanın cənazəsini köçürmək istəyirlər
Xüsusi təyinatlılar futbolçulara və azarkeşlərə atəş açdı
"Bayer"in 6 futbolçusu mövsümün rəmzi komandasında
Messi "İnter Mayami"nin büdcəsini ikiqat artırıb
Kvaratsxeliya qərarını verdi: Gedir, ya qalır?
Arda Güler: "Modriç və Kroosu adları ilə çağırmıram"
Slotdan "Liverpul" açıqlaması
Renatın klubunda yeni baş məşqçi və idman direktoru
Ozan Can sarı vərəqə aldı, komandası uduzdu
"Beşiktaş" 5 qollu oyunda belə qələbə qazandı - Video
İsko ayın oyunçusu seçildi
"Beşiktaş" 90+7-ci dəqiqə qolu ilə qələbə qazandı
Mərakeşli hücumçu 1-ci oldu
"Araz-Naxçıvan"da iki futbolçu məşqləri bərpa etdi
UEFA Avro-2024-lə bağlı yeni qərarı rəsmən açıqladı
İngiltərədə bu mövsümün ən yaxşı oyunçusu müəyyənləşdi
"Bu, cinayətdir" - Klopp
Avroliqada həftənin ən yaxşı futbolçusu seçildi
"Mançester Yunayted"in Ten Haq qərarı
ÇL-də həftənin ən yaxşı oyunçusu odur
Misli Premyer Liqasında 33-cü turun hakimləri bilindi
Bir dövrün sonu
Azərbaycanın U-17 və U-19 millilərinin rəqibləri bəlli oldu
“Liverpul”un futbolçusu məşhur aktyorun qızı ilə sevgilidir
Bakıda Avropa çempionatı keçiriləcək
Rəqibi təpiklə vuran futbolçunun cəzası açıqlandı
AFFA öz futbolçularını təhqir edən baş məşqçini cəzalandırdı
"Şamaxı"nın vacib səfər qələbəsi - Video
“Turan Tovuz”un futbolçusu 4 oyunluq cəzalandırıldı