"Mançester Yunayted"dən gedirlər

"Mançester Yunayted"dən gedirlər
XƏBƏR 7 İyun 2023 / 15:13 4397
-  A +

Bu yay bir neçə futbolçu "Mançester Yunayted"i tərk edəcək.

Qol.az xəbər verir ki, bu barədə insayder Fabrizio Romano məlumat yayıb.

Klub 30 yaşlı hücumçu Vout Veqorstu heyətdə saxlamaq üçün danışıqlar aparmaq istəmir. Onunla "Everton"la yanaşı, Almaniya və İspaniya klubları da maraqlanır. Veqorstun satış qiymətinin təxminən 10 milyon avro olacağı gözlənilir. 

Həmçinin 30 yaşlı müdafiəçi, kapitan Harri Maquayr da bu yay "Mançester Yunayted"dən ayrılacaq. Qışda bir neçə klub onun üçün təklif göndərsə də, həmin an baş məşqçi Erik ten Haq oyunçunun qalmasını istəmişdi. Lakin indi həm klub, həm də futbolçunun yaxınları onun "Mançester Yunayted"dən getməsinin tərəfdarıdır. Harri özü də müntəzəm olaraq oyun şansı almaq istəyir.

Bundan əlavə, 26 yaşlı qapıçı Din Henderson və 34 yaşlı yarımmüdafiəçi Donni van de Beek də klubdan ayrılacaq.

Qeyd edək ki, "Mançester Yunayted" Premyer Liqanın 2022/23 mövsümünü 75 xalla 3-cü pillədə başa vurub.


Son xəbərlər