Şahruddin “Qarabağ”dan ayrılacaqmı? - Özü açıqladı

Şahruddin “Qarabağ”dan ayrılacaqmı? - Özü açıqladı
ÖLKƏ FUTBOLU 2 İyun 2023 / 08:17 7777
-  A +

“Həmişə daha çoxunu istəyirsən - Çempionlar Liqasına düşmək, milli ilə nəyəsə nail olmaq və daha da  güclünmək”.

Qol.az xəbər verir ki, bu sözləri “Qarabağ”ın qapıçısı Şahruddin Məhəmmədəliyev başqa klublardan ona təklib olub-olmaması barədə danışarkən deyib. Rusiyanın championat.com saytına müsahibəsində 28 yaşlı futbolçu “özünüzü TOP-5 liqada sınamaq fikriniz varmı” sualına cavabında deyib:

“Əlbəttə, orada çıxış etmək istərdim, amma hər şey məndən asılı deyil. Mən öz işimi görürəm - məşq edir, oynayıram. “Qarabağ"la 3 illik yeni müqavilə imzalamışam. Burada xoşbəxtəm, hər şeyi bəyənirəm. “Qarabağ” ciddi klubdur. Buradan ayrılsam, yalnız güclü çempionat və böyük komandaya getməliyəm”.

Ş.Məhəmmədəliyev ona real təkliflər olmadığını etiraf edib: “Sədəcə söhbətdir. Mən özümə aydın göstəriş vermişəm: bu söz-söhbətlərə qulaq asmamaq. Əvvəlki müqaviləm başa çatanda, müxtəlif agentlər məni yenisini imzalamaqdan çəkindirməyə çalışırdılar. Deyirdilər ki, yaxşı variantlar olacaq, azad agent kimi Avropada pulsuz komanda tapacaqsan. Cavab verdim ki, əgər həqiqətən ciddi variant olsa, buyurub, məni alsınlar. Yeni müqavilə imzaladım… və beş gün sonra yenidən qolumu sındırdım. Baş verən hər şey ən yaxşısıdır. 

Yenə də eyni qolum qırıldı. Sadəcə məşqdə uğursuz hərəkət etdim. Artıq üçüncü dəfədir! Bu səbəbdən “Gent” ilə Konfrans Liqasının pley-off matçlarınıe buraxdım. Dörd ay yarım oynamadım. Bu, karyeramda zədəyə görə ən uzun fasilə idi”.

Daha çox


Son xəbərlər
13.04.24  01:00

"Latsio"dan qələbə

13.04.24  00:28

"Trabzonspor" uduzdu