“Neftçi” Rusiyaya gedəcəkmi?

“Neftçi” Rusiyaya gedəcəkmi?
XƏBƏR 20 May 2023 / 00:04 6270
-  A +

"Neftçi" yayda Sankt-Peterburqda keçiriləcək turnirdə iştirak edə bilər.

Qol.az xəbər verir ki, bu barədə Rusiyanın "Sport Ekpress" nəşri məlumat yayıb. Bildirilib ki, Bakı təmsilçisi böyük ehtimalla "Zenit", "Fənərbaxça" və "Srvena Zvezda"nın iştirakı ilə Sankt-Peterburqdakı yay yoldaşlıq turnirində Moskva "Dinamo"sunu əvəzləyəcək. Qəzet yazıb ki, Bakı klubu təşkilatçılarla danışıqlarını təsdiqləyib.

“Klub bu turnirdə iştirak etməkdə maraqlıdır. Danışıqlar gedir, lakin hələ ki, iştirakı rəsmi təsdiqləyə bilmirik”  deyə “Neftçi”nin mətbuat xidmətindən "Sport Ekspress"ə bildirilib.

Qeyd edək ki, daha əvvəl iyulun əvvəlində “Zenit”, “Fənərbaxça”, “Srvena Zvezda” və “Dinamo”nun iştirakı ilə təmsil olunan beynəlxalq yoldaşlıq turnirində çıxış edə biləcəyi vurğulanırdı. Amma "Dinamo"da baş məşqçi dəyişikliyinə görə Moskva klubunun mövsümöncəsi hazırlıq planları dəyişib.

Əlavə edək ki, hazırda Ukrayna başda olmaqla bir çox Avropa ölkəsi Rusiya ilə rəsmi və qeyri-rəsmi idman əlaqələrinə qarşıdırlar. Rusiyanın Ukraynaya hərbi təzavüzünə görə bu ölkənin komandaları futbol da daxil olmaqla beynəlxalq yarışlardan kənarlaşdırılıb. “Neftçi”nin Sankt-Peterburq yarışında mümkün iştirakı isə təkcə idman deyil, siyasi baxımdan da Azərbaycan-Ukrayna münasibətlərinə mənfi təsir göstərə bilər.


Son xəbərlər
topaz banner