Güləşçilərimizin Avropa çempionatında son günü

Güləşçilərimizin Avropa çempionatında son günü
GÜLƏŞ 23 Aprel 2023 / 10:18 1730
-  A +

Bu gün Xorvatiyanın paytaxtı Zaqrebdə keçirilən güləş üzrə Avropa çempionatına yekun vurulacaq.

Qol.az xəbər verir ki, turnirin son günündə 4 yunan-Roma güləşçimiz medal görüşünə çıxacaq.

Nihat Məmmədli (60 kq) təsəlliverici qarşılaşmada  Erik Torba (Macarıstan) ilə qarşılaşacaq.

Həsrət Cəfərovun (67 kq) finaldakı Coni Xetsuriani (Gürcüstan) olacaq.

Ülvü Qənizadə (72 kq) qızıl medal uğrunda görüşdə  İbrahim Qanemlə (Fransa) üz-üzə gələcək.

Rafiq Hüseynov (82 kq) 3-cü yer üçün Branko Kovaçeviç (Serbiya) / Roland Şvarts (Almaniya) cütünün qalibi ilə güləşəcək.

Qeyd edək ki, daha əvvəl yunan-Roma güləşçilərindən Eldəniz Əzizli (55 kq), Taleh Məmmədov (63 kq) və Sabah Şəriəti (130 kq) finalda uduzaraq, gümüş medalla kifayətləniblər.

Sərbəst güləşçilərdən Əliabbas Rzazadə (57 kq) və Hacı Əliyev (70 kq) qızıl, Osman Nurmaqomedovla (92 kq) Maqomedxan Maqomedov (97 kq) gümüş, Abubakr Abakarov (86 kq) və Georgi Meşvildişvili (125 kq) bürünc medal qazanıb. Qadınlardan isə Mariya Stadnik (50 kq) qızıl, Jalə Əliyeva (57 kq) gümüş medala sahib çıxıb.

Daha çox


Son xəbərlər