"Yuventus"un qapıçısının ürəyində narahatlıq yarandı

"Yuventus"un qapıçısının ürəyində narahatlıq yarandı
XƏBƏR 14 Aprel 2023 / 15:40 1490
-  A +

Avropa Liqasının 1/4 final mərhələsinin dünən keçirilən "Yuventus" - "Sportinq" matçında (1:0) qorxulu anlar yaşanıb.

Qol.az xəbər verir ki, matçın 40-cı dəqiqəsində Turin klubunun qapıçısı Voytsex Şenski ürəyini tutub. Hadisə "Sportinq"in künc zərbəsi yerinə yetirməyə hazırlaşdığı vaxt baş verib. Dərhal meydana həkimlər daxil olub. Onların rəyindən, üç dəqiqə sonra qapıçı əvəzlənərək meydanı tərk edib. Bu zaman onun ağlaması diqqət çəkib. Əvvəlcə mediada polşalı qolkiperin zədəsi səbəbindən əvəzləndiyi bildirilib. Lakin sonra məlum olub ki, problem onun ürəyində imiş. Onun ağlaması da qorxması ilə əlaqələndirilir.

Futbolçunu dərhal xəstəxanaya aparıblar. Müayinə zamanı onun normadan kənar problemi olmadığı aşkarlanıb.

Qapıçı "Yuventus"un saytına açıqlamasında deyib: "Nəfəs almaq mənim üçün çətin idi, bir az qorxdum. Yoxlanışdan sonra hər şeyin qaydasında olduğu müəyyənləşdi".
 


Son xəbərlər
04.04.26  14:17

Kadidən 40-cı qol

topaz banner