FİFA-dan Bundesliqa klubuna transfer qadağası

FİFA-dan Bundesliqa klubuna transfer qadağası
XƏBƏR 29 Mart 2023 / 22:23 1597
-  A +

FİFA Almaniya Bundesliqasında çıxış edən "Köln" klubuna növbəti 2 transfer dövründə yeni oyunçu qeydiyyatını qadağan edilib.

Qol.az xəbər verir ki, bu barədə "Kicker" məlumat yaıb. Cəzaya səbəb ötən il sloveniyalı hücumçu Yaka Kuberin "Köln"ə keçidinin rəsmiləşdirilməsi zamanı qaydaların pozulmasıdır.

Ehtimal olunur ki, “Köln” həmin vaxt 16 yaşlı futbolçunu azad agent kimi transfer etmək və Sloveniya klubuna təzminat ödəməmək üçün onu “Olimpiya” (Lyublyana) ilə müqaviləni pozmağa təhrik edib.

Kuber dərhal 4 ay müddətinə futboldan uzaqlaşdırılıb, Köln isə "Olimpiya"ya 54 min avro cərimə ödəməlidir. Bundesliqa təmsilçisi qərardan 21 gün ərzində İdman Arbitraj Məhkəməsinə (CAS) şikayət edə bilər.

"Köln"ün mümkün apellyasiya şikayəti təmin olunmazsa, klub yalnız gənclərdən ibarət komandaların oyunçularını qeydiyyatdan keçirə və ya hazırda klubda olan futbolçuların müqavilələrini yeniləyə biləcək.

Yeniliklərdən daha tez xəbər tutmaq üçün bizi Feysbukda da izləyin


Son xəbərlər