Useyn Bolt Ten Haqa təşəkkür etdi

Useyn Bolt Ten Haqa təşəkkür etdi
XƏBƏR 22 Mart 2023 / 00:15 1851
-  A +

Yüngül atletika üzrə 8 qat olimpiya və 11 qat dünya çempionu Useyn Bolt "Mançester Yunayted"in baş məşqçisi Erik Ten Haqla görüşüb.

Qol.az xəbər verir ki, bu haqda o, öz Tvitter hesabında məlumat yayıb. Bolt mütəxəssislə fotosunu paylaşaraq yazıb:

“Ona dediyim ilk şey təşəkkür etmək oldu. Ten Haq dedi: Nə üçün təşəkkür edirsiniz? Cavab verdim: "Mançester Yunayted"in şöhrətli günlərini geri qaytardınız üçün. Mən soruşdum ki, “Mançester Yunayted” yayda kiminlə müqavilə imzalayacaq? O isə “Sizin fikrinizdə kimsə varmı?”-  deyə cavab verdi. Şirin, sadə, lakin əyləncəli söhbət idi.

İndi “Mançester Yunayted”i izləməkdən həzz alıram. Komanda yekdil görünür, hamı birlikdə işləyir və onların nəyə can atdığını görürsən. Komandanın hərəkətlərində əzmkarlıq hiss olunur. Mən bu tərəqqidən çox məmnunam və əminəm ki, daha da yaxşı olacaq. Çoxlu kuboklar qazanacağıq”.

Qeyd edək ki, "Mançester Yunayted" hazırda İngiltərə Premyer Liqasının turnir cədvəlində 50 xalla 3-cüdür (26 oyun). Lider "Arsenal"ın 69 xalı var (28 oyun).

Daha çox


Son xəbərlər