"Beşiktaş"ın Azərbaycanda xeyriyyə oyunu keçirilə bilər - Yenilənib

"Beşiktaş"ın Azərbaycanda xeyriyyə oyunu keçirilə bilər - Yenilənib
XƏBƏR 3 Mart 2023 / 10:58 3534
-  A +

"Beşiktaş" Türkiyədə baş verən zəlzələdən zərərçəkənlərə yardım məqsədi ilə hələlik adı açıqlanmayan bir Azərbaycan klubu ilə xeyriyyə xarakterli yoxlama oyunu keçirməsi nəzərdə tutulur.

Qol.az xəbər verir ki, bu barədə Türkiyənin "Sabah" nəşri məlumat yayıb. "Beşiktaş" Azərbaycan klubu ilə yanaşı, Almaniyada "Borussiya" (Münhenqladbax) və "Leyptsiq"lə də yoxlama matçları oynamağı planlaşdırır. İstanbul təmsilçisi ilk oyunu bu ay milli komandaların oyunları ilə əlaqədar yaranacaq fasilə zamanı keçirmək istəyir.

Həmçinin bildirilir ki, "Beşiktaş"ın yerli klubumuzla oyunu Azərbaycanda olacaq. Matçın dəqiq tarixi haqda isə məlumat yoxdur. "Beşiktaş"ın oyunlarından əldə olunan bilet gəlirlərinin zəlzələdən zərərçəkənlərə göndərilməsi planlaşdırılır.

Qeyd edək ki,  əvvəl "Beşiktaş"ın "Qarabağ"la yoxlama matçı keçirəcəyinə dair bir neçə dəfə məlumat yayılıb. Lakin tərəflərin iş qrafiki səbəbindən bu matç baş tutmayıb. Ağdam klubundan Qol.az-a verilən xəbərə görə, xeyriyyə görüşü ilə bağlı hələlik "Qarabağ"a müraciət olmayıb.

Qeyd edək ki, fevralın 6-da Türkiyənin bir neçə bölgəsində güclü zəlzələ olub və 44 min nəfərdən çox insan həyatını itirib.

Yeniliklərdən daha tez xəbər tutmaq üçün bizi Feysbukda da izləyin 


Son xəbərlər
03.04.26  01:01

Ronaldo hazırdır

topaz banner