Fergüssondan sonra ən yaxşı nəticə

Fergüssondan sonra ən yaxşı nəticə
XƏBƏR 2 Mart 2023 / 12:30 1913
-  A +

İngiltərə kubokunun 1/8 finalında "Vest Hem"lə matç "Mançester Yunayted" üçün əlamətdar olub.

Qol.az xəbər verir ki, "qırmızı-şeytanlar" rəqibi 3:1 hesabı ilə məğlub etməklə bu mövsüm bütün turnirlərdə ümumilikdə 30-cu qələbələrini qazanıblar. Belə bir nəticəyə imza atmaq üçün komandaya 41 matç lazım olub. Bu da "Yunayted"in sabiq baş məşqçisi Aleks Fergüsssonun dövründən sonra ən yaxşı göstəricidir .

Təkcə 2006/2007 və 2012/2013 mövsümlərində "Mançester Yunayted" 30 qələbəyə daha tez çatıb - 40 oyuna. Fergüsson hər iki mövsümdə "Mançester Yunayted"i çalışdırıb. Maraqlıdır ki, elə hər iki mövsümdə “Mançester Yunayted” İngiltərə çempionu olub.

Fevralın 26-da isə “Mançester Yunayted” Erik ten Haqın baş məşqçiliyi ilə ilk kubokunu qazanıb. Onlar İngiltərə Liqa kubokunun finalında "Nyukasl"ı 2:0 hesabı ilə məğlub ediblər.

Yeniliklərdən daha tez xəbər tutmaq üçün bizi Feysbukda da izləyin


Son xəbərlər
03.04.26  01:01

Ronaldo hazırdır

topaz banner