"Tottenhem"in baş məşqçisi azarkeşlərdən üzr istədi

"Tottenhem"in baş məşqçisi azarkeşlərdən üzr istədi
XƏBƏR 2 Mart 2023 / 11:21 4030
-  A +

Antonio Kontenin yoxluğunda "Tottenhem"ə müvəqqəti baş məşqçilik edən Kristian Stellini İngiltərə kubokunun 1/8 finalında "Şeffild Yunayted"ə 0:1 hesabı ilə uduzaraq yarışda mübarizəni dayandırmaları barədə danışıb.

Qol.az xəbər verir ki, o, bu məğlubiyyətə görə azarkeşlərdən üzr istəyib: 

“Bir matçlarda qalib gəlmədikdə nəsə səhv gedir. Hər şey mükəmməl deyildi. Bu gün gücümüz çatmadı ki, rəqibi çətin vəziyyətə salaq. Özümüzün qol vurmaq imkanlarımız oldu, amma indi buraxılan qolu təhlil etməliyik. Əvəzetmələr bizə lazım olan sürəti verdi, amma yenə də alınmadı. Belə bir performansa görə azarkeşlərdən yalnız üzr istəyə bilərəm, onlar mütləq daha yaxşısına layiqdirlər".

Qeyd edək ki, "Tottenhem" hazırda Premyer Liqada 25 matçdan sonra 45 xalla 4-cü yerdədir. Lider isə "Arsenal" (57).

Xatırladaq ki, "Tottenhem"in baş məşqçisi Antonio Konte ötən ay öd kisəsinin çıxarılması üçün əməliyyat olunub. O, tam sağalmaq məqsədi ilə vətəni İtaliyada qalıb. Konteni müvəqqəti baş məşqçi kimi Stellini əvəzləyir.

Yeniliklərdən daha tez xəbər tutmaq üçün bizi Feysbukda da izləyin


Son xəbərlər
03.04.26  01:01

Ronaldo hazırdır

topaz banner