İbrahimoviç: "Tanrıya inanmayanlara hər şeyi meydanda sübut edəcəyəm"

İbrahimoviç: "Tanrıya inanmayanlara hər şeyi meydanda sübut edəcəyəm"
XƏBƏR 9 Fevral 2023 / 09:35 1446
-  A +

"Milan"ın futbolçusu Zlatan İbrahimoviç yenidən maraqlı açıqlamaları ilə gündəmə gəlib.

Qol.az xəbər verir ki, 41 yaşlı hücumçu "Sport Mediaset"ə müsahibəsində hələ də özünü futbolun tanrısı hesab etdiyini deyib: “Əlbəttə, heç nə dəyişməyib. Mən boş yerə meydana qayıtmaq istəmirəm. Meydançaya çıxsam, nəticə əldə etmək istəyəcəyəm. Mən çox yaxşıyam. Ümumi komandaya qayıtmışam və həm meydanda, həm də meydandan kənarda özümü sərbəst hiss edirəm. Bu o deməkdir ki, mən yaxşıyam. Bütün bu müddət ərzində məşqçiyə, heyətə, bütövlükdə kluba kömək etmək üçün əlimdən gələni etdim. Səbirli idim, çünki zirvəyə qayıtmalıydım və dönüş plana uyğun gedir. Yazacaq daha çox səhifələrim var. Ustalıq yaşla gedən bir şey deyil. Fiziki vəziyyət dəyişir, amma bacarıq heç yerə getmir. Mənim bacarıqlarım da yerindədir. Tanrıya inanmayanlara hər şeyi meydanda sübut edəcəyəm”.

Qeyd edək ki, İbrahimoviç ötən ilin may ayından zədə səbəbindən yaşıl meydanlardan kənarda qalıb. O, bir neçə gün əvvəl komanda ilə məşqlərə başlayıb.


Son xəbərlər
13.04.24  01:00

"Latsio"dan qələbə

13.04.24  00:28

"Trabzonspor" uduzdu