"Maraqlı oyun izlədik. Gəncədən gəlib bizə 90 dəqiqə dəstək olan fanatlara təşəkkür edirəm. Təəssüf ki, onları sevindirə bilmədik. Ümumilikdə komanda yaxşı oyun nümayiş etdirdi. Bu qədər qol epizodları yaratdığımız matç yadıma gəlmir".
Qol.az xəbər verir ki, bu sözləri "Kəpəz"in baş məşqçisi Tərlan Əhmədov Misli Premyer Liqasının 20-ci turunda bu gün "Səbail"lə səfərdə keçirilən oyundan sonra mətbuat konfransında deyib.
O, 0:1 hesablı məğlubiyyəti belə şərh edib: "Futbolda belə hallar olur. Kaş ki, pis oynayıb qalib gələrdik. Rəqibdən qat-qat üstün futbol nümayiş etdirdik. Futbolçuların zəhmətinə heyfim gəlir. Qarşıda 16 tur var. Turnir cədvəlindəki mövqeyimizi düzəltməyə çalışacağıq. Son pilləyə düşməyimiz futbolçuları daha da motivasiyalı, aqressiv edəcək. Həyatda belə proseslər baş verir. Vəziyyətdən çıxmağa çalışacağıq".
T. Əhmədov matçdan sonra azarkeşlərin "istefa" şüarı səsləndirməsinə münasibəti bildirib: "Heç bir azarkeş istəməz ki, komandası sonuncu pilləyə düşsün. Biz də bunu istəmirik. Onsuz da mən komandanı götürəndə sonuncu pillədə idi. Həyat davam edir. Azarkeşləri başa düşürəm. Təbii də qarşılayıram. Klubun idarə heyəti var. Bu barədə söhbət edəcəyik. "Kəpəz"i 6-cı turda sıfır xalla götürmüşdüm. Demişdim ki, qışa qədər 9-12 xal toplayacağıq. Əlimizdən gələnin maksimumunu edəcəyik".
Baş məşqçi əvəzedici heyətə göndərdiyi Elvin Yunuszadəni əsas komandaya qaytarmaq fikrində olmadığını deyib: "Bu məsələlər artıq bağlanıb. O futbolçuya əsas komandada ehtiyac duymuram. Açıqlama vermək istəmirəm. Biz də futbolçu olmuşuq. Əgər məşqçi irad bildirirsə, futbolçu etdiyi əmələ görə üzrxahlıq etmirsə, əvəzedici heyətdə məşqlərə qatılmırsa, belə olan halda məsələ mənim üçün bağlanıb".
Baş məşqçi hakimlik haqqında da danışıb: "Bir neçə oyunda bizim haqqımız yeyilib. Birinci hissədə iki eyni epizod oldu. Bizim oyunçuya sarı vərəqə verildi, rəqibə isə verilmədi. Buna görə reaksiya verdim. Hakim də insandır, səhvləri olur. Amma elə səhvlər var ki, matçın taleyini həll edir. Bu gün hakimin elə bir səhvi yox idi".
Əhmədov "Kəpəz"də futbolçuların əvəzedici heyətə göndərilməsinin geniş müzakirələr yaratması haqda da fikir bildirib: "Komandanın içi, çölü, hər tərəfi söz-söhbətdir. "Kəpəz" Premyer Liqaya təzə gəlib. Çalışırıq ki, nəsə edək. Oyuna iki gün qalmış söz-söhbətlər ortaya atılır. Daxildə elə adamlar var ki, zamanında bəzi məlumatları sızdırdılar. Bir futbolçunu etdiyi əmələ görə yola salmışam. Komandanın içində mənə dedi ki, sənin haqda elə sözlər deyəcəm ki, bir Allah bilir. Mən də dedim ki, ürəyin istəyən şeyi deyə bilərsən. Mənim həyatda qorxduğum nəsə yoxdur. Önəmli adamam ki, haqqımda danışırlar. İşlədiyim hər klubda nəticə vermişəm. Oyun satan da deyiblər. Bu qumarı çıxaranın Allah bəlasını versin. Onu oynayanın da Allah bəlasını versin. Ümumiyyətlə deyirəm. 52 yaşım var, hələ bilmirəm ki, hansı qumar necə oynanılır. Adıma min dənə söz çıxarırlar. Haqqımda danışan futbolçular özləri bilsin, Allahları bilsin. Əlavə heç nə demirəm. Kim nə istəyir yazsın. Bu komandanın daxili çölündən, çölü daxilindən betərdir. Nə qədər çalışırsan ki, kollektiv formalaşdırasan, alınmır ki, alınmır. Komanda bu gün normal oynayır. Məğlubiyyət də olacaq, qələbə də. Mən bu günlə yaşamıram, nəticə üçün yaşayıram. Nə deyirlər, desinlər. Əgər Tərlanın molla dostu varsa, niyə iki il işsiz qalıb? Molla kömək edə bilmədi? İşlədiyim bütün klublarda maddi cəhətdən çətinlik olub. İş gedən yerdə söz-söhbətlər olacaq. İrəlidə gedən adama badalaq vuran çox olur. Demək ki, mən önəmli adamam, haqqımda bu qədər söhbətlər gedir".
Baş məşqçi azarkeşlər arasında insident olmasına, bıçaqlanma hadisəsinə də münasibət bildirib: "İndi eşitdim. Çox üzücü hadisədir. Həmin azarkeşə baş çəkəcəyik. Futbolda belə hadisələr olmamalıdır. Fanatlıq, kluba sevgi başqadır. Çalışacağıq ki, Gəncədə belə hadisələr baş verməsin. Gəncə camaatı hər zaman öz komandalarına sevgi ilə yanaşıblar. Stadionda ən çox azarkeş zamanında "Kəpəz"in oyunlarında olub. Amma belə bir insident baş verməyib. Düşünürəm ki, "Kəpəz" azarkeşləri hansısa insident etsinlər. Mənim fikrimcə, onlar komandalarına sevgi və sayğını daha üstün tuturlar".
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu