02.04.26
“Neftçi”nin gənc futbolçusu Fərid Yusifli klubun rəsmi saytına müsahibə verib.
Qol.az xəbər verir ki, ötən ilin sonlarında əməliyyat olunan 20 yaşlı yarımmüdafiəçi bərpa olunandan sonra start heyətinə düşmək üçün daha çox çalışacağını bildirib.
- Mövsümün gedişində zədələnib bir müddət yaşıl meydanlardan kənarda qalmışdın. Budəfəki zədə əməliyyat olunmağına səbəb oldu. Əməliyyatdan sonra özünü necə hiss edirsən?
- Açığı, zədələnməzdən əvvəl özümü çox yaxşı, formada hiss edirdim. Amma elə oldu ki, zədələndim. Əməliyyat olunmaq seçimlərdən biri idi, lakin həkimlərin məsləhəti ilə əvvəlcə hərəkətlərlə bərpa etməyə çalışdıq. Alınmadı deyə, əməliyyat olundum. Şükür Allaha, indi özümü yaxşı hiss edirəm. Ağrılarım yoxdur. Sadəcə, fərdi məşqlərə başlamaq üçün bir az zamana ehtiyac var.
- Bu mövsüm zədədən əziyyət çəksən də, artıq 14 oyunda meydana çıxmaqla ötənmövsümkü göstəricini yaxşılaşdırmısan. Bu haqda nə deyə bilərsən?
- Bu mövsüm 14 matçda meydana çıxsam da, keçən mövsüm ilk “11-lik”də daha çox yer alırdım. Mənim üçün oyuna start heyətində başlamaq daha önəmlidir. İnşallah, bərpa olunandan sonra start heyətinə düşmək üçün daha çox çalışacağam.
- Səninlə yanaşı, “Neftçi”nin yetirmələrindən İsmayıl Zülfüqarlı da tez-tez heyətdə yer alır. Bundan əlavə, bu mövsüm 4 yetirməmiz – Əlirza Müştəbazadə, Rza Cəfərov, Ağadadaş Salyanski və Ömər Qurbanov da əsas komandada debüt etməyə imkan tapıblar...
- “Neftçi”nin yetirmələrinin əsas komandada debüt etmələri xoş haldır. Çünki “Neftçi” daim nəticə üçün çalışan klubdur. Gənclərə üstünlük verilməyi akademiyada oynayan futbolçulara da motivasiya olur.
- “Neftçi” hazırda təlim-məşq toplanışındadır. Bu müddətdə komandadan uzaqda qalmaq yəqin ki, sənin üçün çox çətin olar...
- Təbii ki, elədir. Komandam hazırda toplanışdadır, mən isə heç fərdi məşqlərə də başlamamışam. Çox çətindir. İnşallah, ən tez zamanda sağalıb komandaya qoşulmağı arzulayıram.
- Necə düşünürsən, Azərbaycan Kubokunda yarımfinala yüksələn "Neftçi" mövsümü titulla başa vura biləcəkmi?
- Kubokda “Zirə” ilə gərgin oyunumuz oldu. Şükür Allaha ki, bu çətin sınaqdan biz qalib ayrıldıq. Hazırda komandamız daha da motivasiyalıdır. Fikrimcə, bu mövsüm Azərbaycan Kuboku bizim olacaq.
“Real”ın hədəfində 7 futbolçu var
Levandovski də yığmasından gedir?
"Barselona" maliyyə problemlərini geridə qoyur
MOİK - “Cəbrayıl” matçında vurulan qollar - Video
Haaland, Salah, Kazemiro...
"İnter"in futbolçusu sıradan çıxdı
Mbappenin bu hərəkəti kəskin tənqid olundu - Video
Çempionlar Liqası qalibi olan qapıçı karyerasını başa vurur
Buffon da istefa verdi
“Zaqatala”, MOİK və “Səbail” tura qələbə ilə başladı
Flik onu əsas transfer hədəfi seçdi
"Kocaelispor" Selçuk İnanla yola davam edir
İtaliya Futbol Federasiyasının prezidenti istefa verdi
Maaşlar azaldılır, bəzi futbolçular klubdan göndərilir
La Liqanın ən çox maaş alan futbolçuları
“Barselona”nın prezidenti FİFA-nı tənqid etdi
Droqbadan müsəlmanları müdafiə edən Yamala dəstək
Mirça Luçesku istefa verdi
Türkiyənin DÇ-2026-dakı oyununun vaxtı dəyişdirildi
Kamal Umudlu UEFA yarışlarında iki oyun idarə edib
Qvardiola "Mançester Siti"dən gedir?
UEFA İtaliyanı Avro-2032 ilə hədələdi
"Qalatasaray" 30 milyona aldığı Uğurcana qiymət qoydu
"San Siro"nun satışı ilə bağlı araşdırma başladıldı
Qattuzo qovulacaq
Bolqarıstan millisinin əfsanəsi vəfat etdi
İrandan İnfantinonun sözlərinə reaksiya
“Bir müsəlman kimi bu şüarı hörmətsizlik sayıram”
La Liqa klubu baş məşqçisi ilə müqaviləni yenilədi
Xusanov yenə "Mançester Siti"də ayın oyunçusu seçildi
Mario Götze ilə müqavilə uzadıldı
Ronaldonun klubunda ciddi itkilər var
"Real" 18 yaşlı futbolçunu hədəf aldı
Süni intellektlə idarə olunacaq klub yaradılır
Ançelotti 3 futbolçu arasında qaldı
Keyn sıradan çıxdı
İntizamsızlığı ona baha başa gəldi
Millinin qapıları Danillonun üzünə bağlandı
Yapon azarkeşlər “Uembli”ni də təmizlədi - Video
Yamal dilə gəldi: "Bu, cahillikdir"
"Tottenhem"in baş məşqçisinin ilk transfer hədəfi bəlli oldu
"Çelsi"dən antirekord
Mövsüm ərzində 4-cü dəfə zədələndi
