“Kamran Quliyev vəd etdiyi mükafatı vermədi" - Bolqarıstanlı legioner

“Kamran Quliyev vəd etdiyi mükafatı vermədi" - Bolqarıstanlı legioner
XƏBƏR 21 Oktyabr 2022 / 20:35 3632
-  A +

“Neftçi”nin prezidenti Kamran Quliyevin 2020/2021 mövsümündəki çempionluqdan sonra söz verdiyi mükafatı komandadan ayrılan futbolçulara ödəmədiyi iddia olunub.

Qol.az xəbər verir ki, bu barədə msport.az saytına açıqlamasında “ağ-qaralar”ın sabiq futbolçusu Ahmed Ahmedov məlumat verib.

Həmçinin oxuyun: Mahir Şükürov: "Kamran öz ətrafını yığıb "Neftçi"dən getməlidir" - Video

Həmin mövsümün ikinci yarısını icarə əsasında paytaxt klubunda keçirmiş türk əsilli bolqarıstanlı hücumçu bildirib ki, Quliyev “Qarabağ”a 1:0 hesabı ilə qalib gəldikləri sonuncu tur oyunundan sonra bütün komanda üzvlərinə mükafat vədi versə də, sözünün üstündə durmayıb:

“Sonradan eşitdim ki, “Neftçi”də qalanlara mükafat ödənilib, gedənlər isə yada düşməyib. Ona görə də hazırda klubda Quliyevdən başqa, hamı ilə yaxşı münasibətim var”.

“Qarabağ”la matçda “Neftçi”yə çempionluq gətirən qolun müəllifi olan 27 yaşlı forvard həyatda puldan daha vacib şeylərin olduğunu söyləyib: “Əsas odur ki, çox gözəl çempionluq yaşadıq. Yaxşı dostlar qazandım”.

Qeyd edək ki, Ahmed Ahmedov hazırda Bolqarıstanın “Slaviya” (Sofiya) klubunda çıxış edir.


Son xəbərlər
01.04.26  21:12

Keyn sıradan çıxdı

01.04.26  18:36

"Çelsi"dən antirekord

01.04.26  12:08

Qattuzo üzr istədi

topaz banner