Sautqeyt: "Mən axmaq deyiləm"

Sautqeyt: "Mən axmaq deyiləm"
XƏBƏR 26 Sentyabr 2022 / 10:45 1084
-  A +

İngiltərə millisi DÇ-2022-də uğursuz çıxış edərsə, baş məşqçi Qaret Sautqeyt yığmadan göndərilə bilər. 

Qol.az xəbər verir ki, bu barədə 52 yaşlı mütəxəssis özü danışıb. O, etiraf edib ki, İngiltərə Futbol Assosasiyası ilə müqaviləsi onun DÇ-2022-dən sonra milli komanda ilə işləyəcəyinə zəmanət vermir.

“Mən axmaq deyiləm. Hazırda diqqətimi yalnız komandanı hazırlamağa yönəltmişəm. Sonra yaxşı oyuna və yaxşı nəticəyə diqqət edəcəyik. Bilirəm ki, sonda dünya çempionatında baş verənlərə görə mühakimə olunacağam.

Futbolda müqavilələrin əhəmiyyəti yoxdur. Çünki mütəxəssislərin üç, dörd, beş illik müqavilələri ola bilər və siz başa düşürsünüz ki, nəticələr kifayət qədər yaxşı deyilsə, yollar ayrılacaq. Niyə mənim üçün bu, fərqli olsun? Müqavilənin məni hər hansı şəkildə qoruyacağını düşünəcək qədər təkəbbürlü deyiləm. Mən realistəm".

Xatırladaq ki, İngiltərə millisi bu gün Millətlər Liqasının qrup mərhələsinin 6-cı turunda Almaniya ilə qarşılaşacaq. Görüş Bakı vaxtı ilə saat 22:45-də başlayacaq. Komanda DÇ-2022-də B qrupunda İran, ABŞ və Uelslə mübarizə aparacaq.

Daha çox


Son xəbərlər