"Yuventus" Alleqrini göndərəcək?

"Yuventus" Alleqrini göndərəcək?
XƏBƏR 15 Sentyabr 2022 / 14:01 1791
-  A +

"Yuventus"un baş məşqçisi Massimiliano Alleqrini istefaya göndərmək planları yoxdur.

Qol.az xəbər verir ki, bu barədə “Sky Sports” məlumat yayıb. Çempionlar Liqasının qrup mərhələsinin 2-ci turunda dünən “Benfika”ya məğlubiyyətdən (1:2) sonra italiyalı mütəxəssis stadionu həmişəkindən gec tərk etsə də, onun istefasından söhbət gedə bilməz.

"Yuventus"un rəhbərliyi mövsümə uğursuz başlanıldığına görə məyusdur və komandanın nəticələrindən narahatdır.  Lakin bu "qara zolaq"a baxmayaraq, klubun Alleqrini baş məşqçi vəzifəsindən qovmaq planı yoxdur.

Qeyd edək ki, "Yuventus" Çempionlar Liqasının yeni mövsümünün ilk 2 turunda uduzub. PSJ-yə 1:2 hesabı ilə yenilən komanda "Benfika"ya da eyni hesabla məğlub olub. Həmçinin Turin təmsilçisi A Seriyasında 6 oyundan yalnız 2-də qalib gəlib. Komanda növbəti oyununu sentyabrın 18-də səfərdə "Monza"ya qarşı keçirəcək.


Son xəbərlər
topaz banner