19:46
PSJ prezidenti Nasser Əl-Xəlaifi Çempionlar Liqasının yeni formatı haqda danışıb və növbəti dəfə Avropa Superliqası layihəsini tənqid edib.
Qol.az xəbər verir ki, o, deyib:
“Futbol ənənələrə əsaslanır, lakin o, yenilikçi, yaradıcı olmalıdır. Azarkeşləri cəlb etmək və matçları daha da maraqlı hala gətirmək üçün daha çox şey etmək olar. Məsələn, oyunçuların ətrafında baş verən hər şeyi, oyundakı ən vacib məqamları danışmaqla... Çempionlar Liqasının yeni formatı gəlirlərin nəzərəçarpacaq dərəcədə artması ilə nəticələnəcək. Bu, artıq onu göstərir ki, azarkeşlərə və mediaya hörmətlə yanaşaraq, kiçikdən böyüyə bütün klubları inkişaf etdirə bilərik. Superliqa olmadan da və ya Avropa Superliqası təşkil edən yalnız 2-3 kluba üstünlük vermədən də inkişaf etmək mümkündür".
Əlavə edək ki, 2021-ci ildə aprelin 18-də “Mançester Yunayted”, “Mançester Siti”, “Arsenal”, “Liverpul”, “Tottenhem”, “Çelsi” (hamısı İngiltərə), “Real", “Barselona”, “Atletiko” (hamısı İspaniya), “Yuventus”, “Milan” və “İnter” (hamısı İtaliya) klubları Avropa Superliqasını yaratdıqlarını açıqlayıblar. Sonradan "Real", "Barselona" və "Yuventus"dan başqa digər klubun turniri tərk etməsi ilə Avropa Superliqası fəaliyyətini dayandırıb. UEFA isə dəfələrlə həmin klubları cəzalandıracağını bildirmişdi.
Qeyd edək ki, Çempionlar Liqasının yeni formatına əsasən, komanda sayı 32-dən 36-ya çatdırılacaq. Qrup mərhələsi ləğv olunacaq. 2024/25 mövsümündən etibarən Çempionlar Liqası İsveçrə sistemi ilə keçiriləcək. Yəni, bütün iştirakçılar vahid liqa formatında mübarizə aparacaqlar və yekun turnir cədvəli olacaq. Həmçinin oyun sayı artırılacaq. Hazırda iştirakçılar qrup mərhələsində 6 oyun keçirirsə, dəyişiklikdən sonra liqa formatında püşkatma ilə müəyyənləşəcək 10 fərqli komandaya qarşı 10 matça çıxacaqlar. Bunlardan 5-i evdə, 5-i səfərdə olacaq. Ümumilikdə hazırkı formatda olduğundan 100 oyun daha artıq baş tutacaq.
"Çelsi"dən antirekord
Qattuzo üzr istədi
Pike "Barselona" prezidentliyinə namizəd olacaq?
“Heç-heçə ədalətli nəticədir” - Rəşad Eyyubov
Türkiyə - Kosovo matçının heyətləri açıqlandı
"Qalatasaray"lı futbolçu "Milan"ın hədəfində
Marko Yankoviçin yığması uduzdu
Azərbaycan millisi Bolqarıstanla heç-heçəyə razılaşdı
“Nyukasl” sanksiyalarla üzləşə bilər
Klub borcları ödəmədi, transfer qadağası ilə üzləşdi
"Tottenhem" yeni baş məşqçisini açıqladı
Ronaldo onu razı salmağa çalışır
Millimizin Bolqarıstan ilə oyun üçün heyəti
İran Dünya çempionatında iştirak edəcək
Davranışına görə komandadan uzaqlaşdırıldı
Məşqlərə qoşulmadığı üçün klubdan göndərilə bilər
"Fənərbaxça"nın prezidenti qəzaya düşdü - Şəkil
Konate "Real"dan təklif gözləyir
