23:00
AFFA Hakimlər Komitəsinin sabiq sədri Xaqani Məmmədov bu mövsüm Premyer Liqada hakimliyin səviyyəsindən narazılıq edib.
Qol.az-ın xəbərinə görə, o, bu gün "İdman TV"də yayımlanan "Mərkəzi xətt" verilişində "Neftçi" - "Qəbələ" matçı haqda danışarkən qonaq komandanın baş məşqçisi Elmar Baxşıyevə göstərilən qırmızı vərəqənin doğru olmadığı söyləyib. Onun fikrincə, E.Baxşıyevə bir sarı vərəqə göstərməklə də kifayətlənmək olardı.
X.Məmmədov bildirib ki, Rəşad Sadıqovun baş məşqçisi olduğu "Zirə" daha çox hakim haqsızlığı ilə üzləşib.
O deyib ki, R.Sadıqov səbirli davranaraq ədalətiz qərarlarla üzləşdiklərini açıq şəkildə demir.
X.Məmmədov 16-cı turda "Keşlə"yə qarşı görüşdə "Zirə"nin qapısına təyin edilən penalti epizoduna da toxunub: "Penalti qərarı doğru idi. Amma zərbə vurulmazdan əvvəl "Keşlə"nin başqa bir futbolçusu (Nicat Qurbanov- red.) qaydanı pozaraq cərimə meydançasına daxil oldu və qapıçının qaytardığı topu da məhz həmin oyunçu "Zirə"nin qapısından keçirdi". X.Məmmədov bu faktı hakimin kobud səhvi adlandırıb.
Verilişin digər qonağı Tərlan Əhmədov da "Zirə"nin bu mövsüm ciddi hakim səhvləri ilə üzləşdiyini söyləyib.
"Bayer"ə qayıtdı
“Kəpəz”dən yeni transfer
"Qalatasaray"ın yetirməsi doğma klubuna qayıtmağa hazırlaşır
“Bizim vəzifəmiz meydanda döyüşməkdir” - Qurban Qurbanov
"Qarabağ"ın qələbəsindən - Video
"Qarabağ" "Sumqayıt"a, "Sabah" "Araz-Naxçıvan"a qalib gəldi
"Hakimləri qorumaq üçün VAR sistemini tətbiq etməliyik"
“Qızıl top” qalibləri nə vaxt açıqlanacaq?
"Neftçi" xorvatiyalı futbolçu transfer etdi
"Çelsi"dən ayrıla bilər
