"Qarabağ"la matçda həm Türkiyə, həm də özümüz üçün oynayacağıq" - Rıza Çalımbay

"Qarabağ"la matçda həm Türkiyə, həm də özümüz üçün oynayacağıq" - <b style="color:red">Rıza Çalımbay </b>
XƏBƏR 22 Noyabr 2020 / 00:59 1100
-  A +

“Qarabağ”ın Avropa Liqasının qrrup mərhələsindəki rəqibi "Sivasspor"un baş məşqçisi Rıza Çalımbay Ağdam təmsilçisi ilə keçirəcəkləri oyun haqqında danışıb. 

Qol.az “Goal”a istinadən xəbər verir ki, 57 yaşlı mütəxəssis Türkiyə Super Liqasının 9-cu  turunda səfərdə "Fatih Karagümrük"lə 1:1 hesablı heç-heçə etdikləri matçdan sonra təşkil olunmuş mətbuat konfransında bunları deyib:

"Bizim hakimlərimiz yaxşı, hazır deyil. VAR sistemini idarə edə bilmirlər. Bu rəqibi asanlıqla məğlub edə bilərdik. Sadəcə, hakimlər imkan vermədi. "Qalatasaray"la matçda referi gözünün qabağında baş verən penalti epizoduna görə videtəkrara baxdı. Bu dəfə isə baş hakim VAR-a müraciət etmədi. Yəqin sistemə nəzarət edənlərin bundan başı çıxmır. Bu gün bəlkə də referiyə görə 3 xalımız əldən getdi.Qarşıda avrokubok oyunumuz var. Artıq bugünkü qarşılaşmanı unudub həmin görüşü düşünməliyik. "Qarabağ"la həm Türkiyə, həm də özümüz üçün oynayacağıq. Xal və ya xallar qazanıb ölkəmizi müəyyən yerlərə yüksəltməyə çalışırıq. Təəssüf ki, Türkiyədəki bəzi insanlar isə bizim əhvalımızı korlamaq üçün əllərindən gələni edirlər".

Qeyd edək ki, noyabrın 26-da Azərbaycandakı hərbi vəziyyət səbəbindən "Başakşehir Fatih Terim" stadionunda oynanılacaq "Qarabağ" - "Sivasspor" matçı Bakı vaxtı ilə saat 21:55-də başlayacaq.

 

Daha çox


Son xəbərlər
25.11.20  19:02

Lukaku “Real”da?

25.11.20  15:54

Holanddan dubl - Video